Home
Age Groups
Age Group > 4
Irish Names
Playgroups
Using Irish with your Children
Raising Children with Irish Outside the Gaeltacht
Raising Children through Irish in the Gaeltacht
Support, Services & Facilities
Age Group 4 > 12
All-Irish Primary Schools
Benefits of All-Irish Education
Summer Colleges
The Gaelbhratach
Festivals
Support, Services & Facilities
Benefits of All-Irish Education
Age Group 12 > 18
All-Irish Secondary Schools
Benefits of All-Irish Education
Summer Colleges
The Gaelbhratach
Festivals
Using Your Irish Name
Support, Services & Facilities
Benefits of All-Irish Education
Age Group 18 > 22
Irish Societies & Student Unions
Irish Third Level Courses
Festivals
Support, Services & Facilities
Learn Irish: 18-22 year olds
Age Group 22+
Careers With Irish
Classes for Adults
Get Involved
Conversation Circles
Festivals
Support, Services & Facilities
Speaking to Your Grandchildren
Community
10 Reasons to Register to our Business Directory
Conversation Circles
The Gaeltacht
Community Groups
Irish Language Centres
Surnames
Organisations
Festivals
Seachtain na Gaeilge
Awareness Events
5 Tips
Irish Language Books
Learn
Learn Irish
Playgroups
All-Irish Secondary Schools
All-Irish Primary Schools
Irish in English Speaking Schools
Irish Classes for Adults
Irish Classes
Irish Services for Schools
Benefits
Rights
The Official Languages ​​Act 2003
The European Charter for Minority Languages
The 20 Year Strategy in the North
Services Available in Irish
Get Involved with Conradh na Gaeilge
Campaigns
Research and Submissions
Using Irish State Services
Irish Language Commissioner
Working With Irish
Irish language jobs (Europe)
Irish language jobs (Ireland)
Jobs
Irish Language Careers Booklet
Jobs
ceiliuradh-mor-beartaithe-agus-cnag-londan-125-bliain-ar-an-bhfod

Ceiliúradh mór beartaithe agus CnaG Londan 125 bliain ar an bhfód

NÓS
| NÓS Suíomh Gréasáin | ,

Tá ceiliúradh mór beartaithe ag lucht Chonradh na Gaeilge in London an fómhar seo, 125 bliain ó bunaíodh an chéad chraobh den eagraíocht i bpríomhchathair Shasana. Ba ar an 9 Samhain 1896 a tháinig cainteoirí Gaeilge London le chéile in 55 Chancery Lane i lár na cathrach le Craobh de chuid na heagraíochta teanga a chur ar bun. Ní raibh an eagraíocht ar an bhfód in Éirinn féin ach trí bliana ag an am.

Amárach a chuirfear tús leis an gceiliúradh a bheidh ar siúl ar feadh cúpla seachtain in London. Beidh seoladh oifigiúil ann agus tabharfar caint ar stair na craoibhe ag ócáid dhátheangach ar líne. Seolfar comórtas ealaíne ag ócáid na hoíche amárach freisin. 

Sna seachtainí amach romhainn beidh imeachtaí agus ócáidí eile ar siúl leis an gcloch mhíle mhór a ceiliúradh. Tabharfar léachtaí ar líne ar ról na Gaeilge in Éirinn agus in London sa lá atá inniu ann, taispeánfar scannáin sa London Irish Centre, beidh bileoga eolais á ndáileadh ar bhaill na craoibhe agus ar phobal London faoi obair Chonradh na Gaeilge sa chathair, agus ar an 9 Samhain beidh an ceiliúradh mór ar bhunú na craoibhe. 

Ag cruinniú cinn bhliana Chonradh na Gaeilge Londan a chuirfear clabhsúr oifigiúil leis an gceiliúradh mór agus fógrófar buaiteoir an chomórtais ealaíne. Beidh tuilleadh eolais faoi na himeachtaí sin ar na meáin shóisialta agus ar nuachtlitir na craoibhe. Tá cuireadh oscailte tugtha ag lucht Chonradh na Gaeilge in London do dhuine ar bith ar spéis leis an ócáid a cheiliúradh bheith i láthair ag na hócáidí éagsúla. 

Is iomaí duine mór le rá a bhí páirteach i gConradh na Gaeilge in London i gcaitheamh na mbliana, Mícheál Ó Coileáin ina measc. Chuaigh an Coileánach go London agus é 15 bhliana d’aois agus ba ann a chláraigh sé le Cumann Lúthchleas Gael agus le Conradh na Gaeilge. Ba tríd na heagraíochtaí sin a tháinig sé i dteagmháil den chéad uair le lucht na IRB agus ghlac sé mionn san eagraíocht sin freisin. 

Bhí an scríbhneoir aitheanta Pádraic Ó Conaire ina bhall den chraobh in London agus é ina chónaí sa chathair sin. D’aistrigh sé go London ag tús an chéid seo caite agus chaith sé go leor dá shaol ann. Mhúineadh sé ranganna Gaeilge leis an gConradh in Bishopsgate, Vauxhall, Bermondsey, Clapham agus Fulham, agus ba in London a bhí sé nuair a thosaigh sé ag scríobh i nGaeilge. 

 Tá Craobh Londan an-ghníomhach arís le cúpla bliain anuas agus bhí baint mhór acu leis an troid ar son mhuintir Chatháin in Coventry. Theastaigh ó mhuintir Margaret Keane, a bhásaigh anuraidh, go ngreanfaí ‘Inár gcroí go deo’ ar leac uaighe a máthar. Dhiúltaigh údarás áitiúil na heaglaise i Sasana cead a thabhairt dóibh scríbhinn Gaeilge a ghreanadh ar an leac. Ba ag muintir Chatháin, le cúnamh Chonradh na Gaeilge Londan, a bhí an lá sa deireadh. 

Chomh maith leis sin, ba iad lucht na craoibhe in London, i gcomhar le cainteoirí Gaeilge Liverpool agus cúpla dream eile, a d’eagraigh Comhdháil na Breataine an samhradh seo, an chéad tionól dá leithéid do chainteoirí Gaeilge sa Bhreatain. 

Níos mó

Sign up for the PEIG newsletter

  • Conradh na Gaeilge
  • Foras na Gaeilge