Siopaí Caife a chuireann an Ghaeilge chun cinn!

Aoife Ní Chrualaoich 

Níl aon dabht go dtuigeann daoine an tábhacht a bhaineann lenár dteanga sa lá atá inniu ann mar chuid dár bhféiniúlacht, dár gcultúr agus dár oidhreacht. Chun an fhírinne a rá, ní rud deacair é an ghaeilge a chur i bhfeidhm inár saolta laethúla. Déanann na rudaí beaga difear mór i saol na Gaeilge. 

Le déanaí, moltar an siopa caife ‘ Plámás’ i nGaillimh mar spreagann siad daoine úsáid a bhaint as an ngaeilge go laethúil. Cuirtear síos air mar ‘Caife neamhsplách, Gaillimheach agus bródúil!’.

Má ordaíonn tú as Gaeilge, faigheann tú lascaine ar 10c ar do chupán caife! Is mór an spreagadh é sin, go háirithe do na handúlaigh caife. Ná bí buartha, tá treoracha le fáil sa siopa caife chun chabhair a thabhairt duit leis an ghaeilge mar sin níl aon leithscéal agat.

Ní hamháin sin ach piocann siad seanfhocail difriúla gach seachtain agus faigheann duine leis an miniú ceart, cupán caife saor in aisce! Mholfainn go láidir a gcuntas Instagram a leanúint chun cúpla focail eile a fhoghlaim.

Ar an taobh eile den tír, i mBaile Átha Cliath, cuireann an siopa caife ‘Frame’ béim ar an Ghaeilge i slí spreagúil chomh maith. Mar a thugann an t-ainm le fios, is siopa fráma agus caife í ‘Frame’. Is féidir leat ordú as Gaeilge go héasca.

Feictear póstaer in aice leis an haiste le leideanna faoi conas ordú as Gaeilge agus leis an bhfoghraíocht de gach focal.

Ina theannta sin, is féidir leat snas a chur ar do chuid Ghaeilge i ‘Café Glic’ i mBaile Fhormaide. Cosúil le ‘Plámás’ agus ‘Frame’, is é mar aidhm de ‘Café Glic’ an ghaeilge a chur chun cinn i slí an-nádúrtha. 

Léiríonn na comhlachtaí sin nach gá an Ghaeilge a labhairt go líofa  ach an rud is tábhachtaí ná suim a bheith agat sa teanga. Spreagann na gnóthaí sin daoine a bheith níos múiníne agus níos cróga chun an ghaeilge a labhairt go laethúil. Cruthaítear spás failteach agus uathúil chun ár dteanga a scaipeadh. Soléiríonn an togra sin an seanfhocal cáiliúil: ‘Is fearr Gaeilge bhriste ná Béarla cliste.’  

Mar sin bainigí úsáid as bhur gcúpla focal. 

• Dia duit/ Haigh = Hello/Hi 
• Slán go fóill = See you later
• Conas atá tú?/Conas atá cúrsaí? = How are you?/ How are things?
• Go raibh maith agat! (Grma) = Thank you!
• Bíodh lá deas agat! = Have a nice day!