Na hailt is mó léamh ar NÓS in 2022
Tá bliain eile curtha isteach againn agus aghaidh á tabhairt againn ar an gcéad bhliain eile, bliain ina mbeidh NÓS ag ceiliúradh 15 bliana ár mbunaithe (Lá Fhéile Pádraig 2023!). Is mór idir anois agus tús na bliana 2022 agus na srianta a bhí i bhfeidhm mí Eanáir agus le bliain go leith roimhe sin imithe anois. Bhí deis ag na Gaeil castáil le chéile san fhíorshaol arís in 2022 agus is muid a bhí buíoch go raibh leithéidí Fhéile na Gealaí agus Oireachtas na Samhna ar siúl arís.
Bhí bliain mhaith againn anseo ar NÓS agus é in am againn súil siar a chaitheamh ar na hailt is mó a tharraing aird na léitheoirí ó thús deireadh na bliana.
Bhí ailt againn i mbliana ó scríbhneoirí nár chuir peann le pár dúinn cheana – leithéidí Hannah Ní Chonghaile, Emma Sisk, Cathal Seoighe, agus Rút Ní Theimhneáin – agus chuir muid fáilte arís roimh na seanfhondúirí Domhnall Ó Braonáin, Seán Ó Dubhchon, Aifric Ní Scolaí, Ben Ó Faoláin agus daoine eile nach iad. Bhí scríbhneoirí eile ann a tháinig ar ais chugainn tar éis sos beag a thógáil – ár mac drabhlásach féin Eoin Ó Dubhghaill ina measc.
Tá súil againn gur thaitin an t-ábhar a cuireadh fáil – idir ailt, fhíseáin, agus eile – lenár léitheoirí ar fad i mbliana, agus ta súil againn go mbeidh tú linn agus muid ag ceiliúradh in 2023.
30. Na scannáin Oíche Shamhna is fearr don té nach dtaitníonn scannáin uafáis leis
29. ‘Ní dh’athróinn an saol ar ór ná ar airgead‘
28. Tá mná á marú a fhad is atá tusa ag fanacht i do thost
27. Aimseoidh mé coirnéilín compordach in aice an taephota do na léachtaí ar line
26. Is cuimhin liom an oíche a chan Seán South inár dtig ar an Muirígh
25. Aoife sa Chistin: Sailéid Fineille Trátaí Confit
24. Carachtairí na Leithinse – ‘Bhí na haon lá den saol go maith‘
23. Bliain amháin gan alcól agus mo shaol 1000% níos fearr
22. Bhí daoine aiteacha in Éirinn sula raibh an t-ainm Éire ar an tír
21. Cheap mé go gcaithfinn glacadh le mo cholainn agus gurbh in deireadh an scéil
20. Suíomh nuachta i nGaeilge shimplí seolta ag Extra.ie
19. Cur amú acmhainní agus ama é ceantar Gaeilge a chur ar bun i mBaile Átha Cliath
18. Dátaí Fhéile na Gealaí 2022 fógartha
17. Díomá ar phicnicithe Gaelacha faoi ‘theip’ na campála Gaeltachta ag Electric Picnic
16. Carachtairí na Leithinse – Feargal Ó Sé
Foilseofar an chuid eile den liosta seo amárach.
