5 leid mar ullmhúcháin d’fhísagallamh
Suíomh:
Tá tábhacht faoi leith ag baint leis an suíomh a roghnaíonn tú chun do chuid agallaimh a dhéanamh. Déan cinnte go bhfuil dóthain solais ann agus nach bhfuil scáil á caitheamh ar d’aghaidh. Anuas air sin is fiú a bheith airdeallach faoi céard atá sa chúlra agus faoi céard atá mórthimpeall ort. Bíodh cuma ghairmiúil ar an suíomh trí chéile chun íomhá dearfach díot féin a léiriú do na daoine ar an taobh eile den cheamara.
Cleachtadh:
Tá difear suntasach idir agallamh a dhéantar thar ceamara gréasáin agus agallamh a dhéantar go fisiciúil in oifig nó in ionad oibre eile. Mar sin is fiú cleachtadh a dhéanamh ar an modh agallaimh úr seo. An bealach is fearr le hullmhúchán a dhéanamh ná cleachtadh leat féin nó le cara thar an gceamara. Rachaidh tú i dtaithí ar na roghanna is fearr leat féin agus cuirfear ar do chompord thú mar gheall air seo.
Teicneolaíocht:
Táimid ar fad ag éirí cáirdiúl le roinnt mhaith teicneolaíochtaí nua agus muid ar fad sáinnithe sa bhaile, bogearraí físchomhdhála ina measc. Faigh amach cén bogearra a bheidh in úsaid le linn do chuid agallaimh agus déan taighde ar conas an leas is fearr a bhaint astu. Níl tú ag iarraidh go dtiocfaidh fadhbanna a bhaineann le do chuid míchumais úsáide chun cinn san agallamh, go háirithe má tá cur i láthair nó taispeántas le déanamh agat lena linn.
Cód gléasta:
Tagann ceist faoi leith chun cinn maidir leis na héadaí cuí atá le caitheamh agus tú i mbun agallaimh sa bhaile. Ar ndóigh ní bhíonn ach an leath uachtair den chorp le feiceáil ar an gceamara agus mar sin déan cinnte go bhfuil cuma bhreá néata air. Tá méid treoranta ama agat leis na hagallóirí agus tugann éadaí deis duit dul i bhfeidhm go dearfach orthu. Maidir leis an leath íochtarach den chorp – Is cuma faoi sin i ndáiríre!
Aird iomlán:
Tá sé tábhachtach go dtugann tú aird iomlán ar an agallóir le linn an agallaimh. Moltar díriú ar an gceamara seachas ar an scáileán – is féidir greamán a chur in aice leis an gceamara chun cuidiú leat seo a dhéanamh. Moltar do cheann a chlaonadh agus miongháire a dhéanamh anseo agus ansiúd le taispeáint go bhfuil tú ag éisteacht. Ní bheidh deacracht agat seo a bhaint amach más spéis leat sa rol nua atá á thairiscint acu!
