Tá 47 duine eile a raibh an Covid-19 orthu básaithe de réir na bhfigiúirí is déanaí ón Roinn Sláinte.
Bhain 14 de na básanna de dheasca Covid-19 a fógraíodh inniu le mí an Mhárta, bhain 18 acu le mí Feabhra agus bhain 15 le mí Eanáir.
631 cás nua den ghalar a fógraíodh tráthnóna.
370 othar Covid-19 a bhí sna hospidéil ar maidin agus 92 díobhsan a bhí in aonad dianchúraim. Cuireadh 31 duine san ospidéal de dheasca an víris le lá anuas.
Dé Domhnaigh seo caite bhí an chéad dáileog den vacsaín faighte ag 375,521 duine agus an dara dáileog faighte ag 150,247 duine.
Bhain 44 de na cásanna a fógraíodh inniu le contae na Mí, bhí 41 cás i gCorcaigh agus 23 cás a bhí i nDún na nGall. 19 cás a bhain leis an nGaillimh agus 19 cás a bhí i gceist i bPort Láirge. Naoi gcás a bhí i Maigh Eo agus 8 gcás a bhí i gCiarraí.
Tháinig ardú beag ar mheánráta scaipthe an ghalair. Ráta 163 cás in aghaidh gach 100,000 duine sa stát a bhí ann le coicís anuas, suas ó 161 inné.
Is é contae na Mí (217) an t-aon chontae Gaeltachta ina bhfuil an ráta níos airde ná an meánráta náisiúnta i láthair na huaire.
Ráta 150 atá i nDún na nGall, 143 atá i Maigh Eo agus agus 135 atá i nGaillimh. Ráta 96 atá i bPort Láirge, 65 atá i gCiarraí agus 57 atá i gCorcaigh, an ráta is ísle sa tír.
D’fhógair Roinn Sláinte an Tuaiscirt inniu go raibh ochtar eile a raibh an Covid-19 tolgtha acu básaithe. Deimhníodh 147 cás nua den ghalar. 212 othar Covid-19 a bhí in ospidéil an Tuaiscirt agus bhí 29 díobhsan in aonaid dianchúraim.
Tá an chéad dáileog den vacsaín faighte ag breis agus 600,000 duine i dTuaisceart Éireann anois. Faoin lá inné, bhí an chéad dáileog faighte ag 601,101 duine ó thuaidh agus na dara ceann faighte ag 46,927.
6,586 duine atá básaithe in Éirinn go dtí seo de dheasca na paindéime, 2,087 duine ó thuaidh den teorainn agus 4,499 duine ó dheas di.
338,764 cás a deimhníodh in Éirinn go nuige seo, 224,588 cás ó dheas den teorainn agus 114,176 cás ó thuaidh di.
