Tá gradaim bronnta ar bhreis agus dhá scór gnólacht ar fud na tíre as an obair atá déanta acu chun an Ghaeilge a chur chun cinn mar chuid dá gcuid oibre.
Rinneadh an bronnadh mar chuid den scéim GRADAIM Gnó na hÉireann, a d’fhorbair Glór na nGael agus a reáchtáladh den chéad uair i mbliana.
Bronnadh boinn óir, airgid agus cré-umha ar 85 gnólacht ar fad ag ócáid bhronnta i Halla na Cathrach, Baile Átha Cliath inné. Tá na gnólachtaí ar tugadh aitheantas dóibh lonnaithe fud fad na tíre, laistigh den Ghaeltacht agus lasmuigh di.
Rinneadh measúnú ar na gnólachtaí i dtrí réimse – Comharthaíocht; Margaíocht agus Brandáil; agus Seirbhís i nGaeilge.
Bhain 17 gnólacht bonn óir amach sna trí réimse, ina measc an teach tábhairne aitheanta, Teach Hiúdaí Beag i nGaoth Dobhair; POTA Café i mBaile na hAbhann, Gaillimh; Cultúrlann McAdam Ó Fiaich i mBéal Feirste; Aon Scéal Café i mBaile Átha Cliath; Siopa an Carn i nDoire; agus Teach Solais Fhánada i nDún na nGall.
Bhuaigh 49 gnólacht eile bonn óir amháin, ar a laghad, agus fuair na buaiteoirí eile boinn airgid agus cré-umha.
Rinne Frainc Mac Cionnaith, bainisteoir na scéime i nGlór na nGael, comhghairdeachas leis na buaiteoirí uile agus dúirt sé go dtabharfaidh comharthaí GRADAIM le fios don phobal cén cineál seirbhís agus comharthaíocht i nGaeilge atá ar fáil ó na gnólachtaí atá rannpháirteach sa scéim.
“Den chéad uair riamh tá próiseas cuimsitheach measúnaithe, atá neamhspleách agus náisiúnta, ann le heolas cruinn, deimhnithe agus cothrom le dáta a chur ar fáil don phobal maidir leis an saghas seirbhíse agus comharthaíochta Gaeilge ar féidir a bheith ag súil leis ó na gnólachtaí rannpháirteacha.” a dúirt Mac Cionnaith.
Bhí rannóg ‘Fiontraí Óg na Bliana’ ina cuid den scéim chomh maith agus tugadh aitheantas speisialta do bheirt fiontraithe óga as an nGaeltacht.
San aoisghrúpa 12-18, is í Róisín Dalby as Baile an Fheirtéaraigh, Co. Chiarraí, a ghnóthaigh an gradam as an obair a dhéanann sí an Ghaeilge a chur chun cinn sa Goat Caifé sa Daingean, áit a mbíonn sí ag obair.
San aoisghrúpa 18-21, is ar Aoibhín Ní Dheá, as Gaoth Dobhair, Co. Dhún na nGall a bronnadh an gradam. Tá a gnó féin aici, Cácaí Aoibhín, a bhunaigh sí nuair nach raibh sí ach ceithre bliana déag d’aois. Tá sí anois ag déanamh cístí le haghaidh siopaí agus caiféanna fud fad Ghaeltacht Iarthuaisceart Thír Chonaill chomh maith le horduithe speisialta, ar nós cístí breithlae agus cístí bainise.
Is í Síle Seoighe a bhronn na gradaim ar Aoibhín Ní Dheá, Róisín Dalby agus na gnólachtaí eile ag an ócáid bhronnta.
| Gnólachtaí a bhuaigh trí ghradam óir | |
|---|---|
| Amharclann Ghaoth Dobhair | Co. Dhún na nGall |
| An Croí | Co. Dhoire |
| An Siopa Gaeilge | Co. Dhún na nGall |
| Aon Scéal Café | Co. Átha Cliath |
| Brian de Staic Teoranta | Co. Chiarraí |
| Cló Iar-Chonnacht | Co. na Gaillimhe |
| Conradh na Gaeilge Boirche Íochtar | Co. an Dúin |
| Cultúrlann McAdam Ó Fiaich – | Co. Aontroma |
| GTeic@Cill Charthaigh | Co. Dhún na nGall |
| LIGID Léiriúcháin | Co. Dhún na nGall |
| Líonra Leitir Ceanainn | Co. Dhún na nGall |
| Lóistín Teach Hiúdaí Beag | Co. Dhún na nGall |
| Margadh na Mairt Teo | Co. Dhún na nGall |
| Oideas Gael | Co. Dhún na nGall |
| POTA Café | Co. na Gaillimhe |
| Siopa an Carn | Co. Dhoire |
| Teach Solais Fhánada | Co. Dhún na nGall |
| Buaiteoirí Eile 2022 | |
|---|---|
| Teach Jack | Co. Dhún na nGall |
| An Cailín Gruaige Siopa Gruaige | Co. Dhún na nGall |
| Bob Griffins | Co. Chiarraí |
| P. Mac Giolla Dé Búistéirí | Co. Dhún na nGall |
| Bee Healthy Monaghan | Co. Mhuineacháin |
| O’Flahertys Bar | Co. Chiarraí |
| Teresa Mhic Dhonncha, Seirbhís Hoiméapaite | Co. na Gaillimhe |
| Bus Feda Teoranta | Co. Dhún na nGall |
| Oifig an Phoist, Doirí Beaga | Co. Dhún na nGall |
| Beachóga Dhún na nGall – Donegal Bees | Co. Dhún na nGall |
| Dinglegoldsmiths A.J. Bácaeir Teoranta Gaibhne Óir Chorca Dhuibhne | Co. Chiarraí |
| Fiadh | Co. Chiarraí |
| Clinic Cois Abhann | Co. Chiarraí |
| KCLR | Co. Chill Chainnigh |
| Prints of Ireland | Co. Átha Cliath |
| An Lárionad Oideachais, Siopa Chúinne an Daingin | Co. Chiarraí |
| Fadó Antiques & Framing | Co. Chiarraí |
| Fitzgeralds Homevalue | Co. Chiarraí |
| John Weldon Jewellers | Co. Chiarraí |
| MacEoin General Merchants | Co. Chiarraí |
| Murphy’s Ice Cream | Co. Chiarraí |
| O’Donnell Fuels Crolly (Siopa Stiofán Anne) | Co. Dhún na nGall |
| Paul Geaneys | Co. Chiarraí |
| Solas Tapas | Co. Chiarraí |
| Spar Doirí Beaga | Co. Dhún na nGall |
| Teach Tábhairne Uí Shearcaigh | Co. Dhún na nGall |
| The Coach House | Co. Chiarraí |
| Tigh Mhic Cárthaigh | Co. Chiarraí |
| Walsh’s Pharmacy – Cógaslann Mhuintir Breathnach | Co. Chiarraí |
| Bliss Ladies Fashions | Co. Dhún na nGall |
| Dingle Bookshop | Co. Chiarraí |
| Óstán na Sceilge | Co. Chiarraí |
| Seed & Soul | Co. Chiarraí |
| Chop Central | Co. Chiarraí |
| Corveen Glen Meat Company | Co. Dhún na nGall |
| Dingle Properties | Co. Chiarraí |
| Ireland By Bike | Co. Dhún na nGall |
| Kingdom Fresh | Co. Chiarraí |
| Pure Beauty | Co. Chiarraí |
| Sheehy’s Fish & Chip Takeaway | Co. Chiarraí |
| Siúinéireacht Shéamuis Óig | Co. Dhún na nGall |
| Teach Sheáin Óig | Co. Dhún na nGall |
| Dréimire Language Services | Co. Átha Cliath |
| GaelGoer, an Chéad Aip Chumarsáide sa Ghaeilge | Co. Átha Cliath |
| Strand House | Co. Chiarraí |
| Dingledoc | Co. Chiarraí |
| Tábhairne Leo | Co. Dhún na nGall |
| Bialann Danny Minnie | Co. Dhún na nGall |
| Óstán Benners | Co. Chiarraí |
| MF Learning Seirbhísí Foghlama | Co. Thír Eoghain |
| Sew it Seams | Co. na Gaillimhe |
| An Cope, Siopa Anagaire | Co. Dhún na nGall |
| Áras Uí Chonghaile | Co. Aontroma |
| Bláthanna Tí Mhistéil | Co. na Gaillimhe |
| Comhar Creidmheasa Chorca Dhuibhne Teo | Co. Chiarraí |
| Mara Beo | Co. Chiarraí |
| Tigh Liam | Co. na Gaillimhe |
| Wet & Wild | Co. Dhún na nGall |
| An Ceathrú Póilí | Co. Aontroma |
| Maisiúchán Phóil Ó Breisleáin | Co. Dhún na nGall |
| Teach Tessie | Co. Dhún na nGall |
| Ceimiceoir totalhealth Uí Dhomhnaill | Co. Dhún na nGall |
| Crua-Earraí Mhic Suibhne | Co. Dhún na nGall |
| Sheehys Spar | Co. Chiarraí |
| Cáis | Co. Chiarraí |
| Aerfort Dhún na nGall | Co. Dhún na nGall |
| Comhar Creidmheasa Ghaoth Dobhair | Co. Dhún na nGall |
| Drioglann Chroithlí | Co. Dhún na nGall |
