Seán-Nós Ard Mhacha Theas 2023

Cuireadh Sean-Nós Ard Mhacha Theas ar siúl den chéad uair riamh i mbliana, san ionad Tí Chulainn ar an Mhullach Bán.

Bhí idir cheardlanna ar an sean-nós, oíche airnéil, cheolchoirmeacha, agus chomórtais ar an sean-nós d’aoiseanna éagsúla, thar an dá lá spreagúla.

D’fhreastal Meon Eile ar an chéad lá agus fuair muid blaiseadh beag den Fhéile. Labhair muid leis an triúr aoicheoltóirí agus moltóirí a bhí i láthair: Aodhán Ó Ceallaigh, a bhí i mbun ceardlann lúibíní, Irial Ó Ceallaigh, a bhí i mbun ceardlann amhránaíochta thar 12, agus Diane Ní Chanainn, a ghlac an cheardlann amhránaíochta faoi 12. 

B’éacht ollmhór é do Ghaelphobal Ard Mhacha Theas an chlár iontach seo a chur le chéile, go háirithe do Bhrídín Ní Shúilleabháin, Oifigeach Forbartha de chuid an eagrais. Is cinnte go bhfuil an t-éileamh ann dá leithéid sa cheantar saibhir ceolmhar seo.