<a-href="https://nos.ie"-class="credit-nos"-target="-blank"-rel="noopener-noreferrer"></a>-12-bhronntanas-don-eanbhreathnoir

12 bhronntanas don éanbhreathnóir

30 Samhain, 2020 | Aedin Ni Thiarnaigh | Saol

Spideoga ag súgradh, dreoilíní ag damhsa, seinm na smólach…chaithfinn uaireanta fada an chloig ag baint lán mo shúl as a leithéid de shiamsaíocht sa ghairdín cúil!

Nílim im m’aonar sa chaoi seo ach oiread. Tá muintir na hÉireann ag baint suilt as a bheith ag breathnú ar na créatúir chleiteacha seo ó thús ama, mar is léir ó ainmneacha galánta na n-éan, a thugann an oiread le fios dúinn faoi na créatúir úd, ón gcabaire breac go dtí an lasair choille.

Bhí éanbhreathnóirí inár measc i gcónaí, agus thabharfainn m’fhocal go bhfuil níos mó againn anois ann ná mar a bhí riamh, tar éis laethanta fada Covid. I ndiaidh na míonna a chaitheamh sa bhaile, gan tada le déanamh againn ach breathnú amach an fhuinneog, tá muid tar éis titim i ngrá lenár n-éiníní arís.

Is mó an seans anois ná riamh, mar sin, go bhfuil éanbhreathnóir i do shaol agus más ea, tar éis bronntanais a fháil ón liosta seo thíos, is iad a bheidh chomh sásta le rí (rua!) an Nollaig seo.

Éin Neamhchoitianta na hÉireann, Native Circles Art, Cill Mhantáin