Cúig bhealach Lá Fhéile Vailintín a cheiliúradh le do pháirtí

Alt ó Oisín Staunton

Tá Lá Fhéile Vailintín ar cheann de na laethanta is tábhachtaí do chúplaí, agus níl mórán áiteanna níos fearr chun an lá a cheiliúradh ná i mBaile Átha Cliath. Tá réimse leathan de roghanna ar fáil ach an rud is tábhachtaí ná a bheith in ann sult a bhaint as an am le chéile. Mar sin, seo cúpla nod maidir le conas Lá Fhéile Vailintín a chaitheamh i mBaile Átha Cliath le do chara.

Féach thíos freisin ar fhrásaí úsáideacha le húsáid le do pháirtí!

Turas ar rothar timpeall Pháirc Fhionnuisce

Slí iontach chun an pháirc is mó san Eoraip a fheiceáil é seo. Mura bhfuil rothar agat beidh tú in ann úsáid a bhaint as na rothair cathracha nó is féidir leat rothar nó rothar tandaim a fháil ar cíos ar do bhealach isteach sa pháirc. Is áit álainn í Páirc Fhionnuisce atá lán de radhairc pictiúrtha, chomh maith le hainmhithe suimiúla cosúil le fianna agus madraí crann. Agus cén fáth nach stopfá le haghaidh sosa sna seomraí tae nó suí síos agus féachaint ar na lachain sa lochán.

Bia agus Deoch

Is féidir leat dul go dtí ceann de na bialanna galánta a ofrálann béile speisialta do chúplaí ar an lá speisialta seo. Cuir do chuid trioblóidí ar leataobh agus bain sult as béile in éineacht le d’anamchara. Ansin, is féidir libh siúl trí na háiteanna bríomhara cosúil le Sráid Grafton nó Barra an Teampaill agus cuairt a thabhairt ar theach tábhairne nó ar cheardlann ar an ól. Má tá tú ag lorg bialann rómánsúil le bia álainn, téigh chuig Pichet, Seomra Bia Fallon & Byrne nó Glas – bialanna leis an mbia is blasta agus an t-atmaisféar is deise don lá speisialta. Agus má tá áit dheas uaibh chun pionta a ól, téigh chuig Bar Rua i lár na cathrach.

Cultúr

Má tá rud ar leith á lorg agat le déanamh, téigh chuig Croí Shan Vailintín i Séipéal na gCairmilíteach ar Shráid Aungier, deir siad go mbeidh caidreamh rathúil fada agaibh má thugann sibh cuairt air Lá Fhéile Vailintín. Nó tabhair cuairt ar an Músaem Náisiúnta – deis iontach chun bheith ag foghlaim faoi stair agus cultúr na hÉireann le chéile.

Siopadóireacht

B’fhéidir go mbainfidh sibh sult as am a chaitheamh ag siopadóireacht le chéile timpeall na cathrach – ag ceannach nó ag féachaint timpeall ar na táirgí. Tá rogha leathan de shiopaí sa chathair, idir shiopaí ilrannacha agus stainníní beaga, agus b’fhéidir go bhfaighidh sibh bronntanais éigin dá chéile iontu.

Amuigh faoin aer

Tá Gairdíní Uíbh Eachach suite i lár na cathrach agus tugtar ‘Gairdín Rúnda’ Bhaile Átha Cliath orthu go minic. Is féidir leat am taitneamhach a chaitheamh sa pháirc ag siúl timpeall na páirce ag féachaint ar na rósanna agus na scairdeáin, ag baint sult as cathair ghríobháin na n-iúr, nó ag tógáil sosa beag ann le picnic dheas.

• Is ceol mo chroí thú you make my heart sing
• A rúnsearc my darling
• Mo shíorghrá my eternal love
• An bhfuil tú ag iarraidh dul amach ar gheandáil liom? would you like to go on a date?
• Tá mé faoi gheasa ag do ghrá I’m under your spell
• Mo chuisle, mo chroí my dear heart
• Stóirín aoibhnis my dearest
• Mo ghrá geal my love
• Searc mo chléibh my soulmate
• Ar mhaith leat a bheith curtha le mo dhream’sa? do you want to be buried with my people
• Is tú m’anamchara you’re my soulmate
• Tá do shúile chomh hálainn le réalta you have beautiful eyes
• Táim craiceáilte fút I’m mad about you