Ag foghlaim na Gaeilge
Ranganna Gaeilge do Dhaoine Fásta
Tá rogha leathan de chúrsaí Gaeilge ar fáil do dhaoine fásta timpeall na tíre. Aimsigh rang i do cheantar féin trínár eolaire ranga.
Ag foghlaim na Gaeilge ag an Tríú Leibhéal
Tá an-chuid cúrsaí ar fáil don té atá ag iarraidh Gaeilge a fhoghlaim lasmuigh dá gcéim féin, agus iad i mbun chúrsa ag an tríú leibhéal.
Bíonn teastais agus dioplómaí éagsúla ar fáil ag roinnt de na cúrsaí seo, nó tugann siad deis d’fhoghlaimeoirí ullmhú don scrúdú TEG (Teastas Eorpach Gaeilge). Tá na scrúduithe seo úsáideach dóibh siúd atá ag iarraidh cruinneas sa Ghaeilge a bhaint amach nó atá ag iarraidh an Ghaeilge a mhúineadh amach anseo. Tá ocht leibhéal éagsúil ann. Tá cáilíocht aitheanta ag baint leo ar fad, ní amháin timpeall na tíre ach timpeall an domhain.
Seo liosta de na cúrsaí atá á gcur ar fáil ag na hollscoileanna difriúla
Coláiste Mhuire Gan Smál, Luimneach
Cuirtear ranganna Gaeilge ar siúl go rialta.
Tuilleadh eolais ó caitriona.breathnach@mic.ul.ie.
Coláiste na hOllscoile Corcaigh
Cuireann Ionad na Gaeilge Labhartha cúrsaí ar fáil don phobal, do chéimithe, do mhic léinn agus do bhaill foirne uile na hOllscoile.
Coláiste na hOllscoile Baile Átha Cliath
Bíonn cúrsaí á n-eagrú ag Bord na Gaeilge COBÁC i rith na mbliana do mhic léinn, do bhaill foirne agus don phobal.
Ollscoil Chathair Bhaile Átha Cliath
Cuireann an Cumann Gaeilge in Ollscoil Chathair Átha Cliath ranganna ar fáil i rith na bliana.
Ollscoil Mhá Nuad
Eagraíonn Ionad na dTeangacha OÉ Má Nuad cúrsaí don phobal, do chéimithe, do mhic léinn agus do bhaill foirne uile na hOllscoile.
Ollscoil na Banríona, Béal Feirste
Cuireann Ionad na dTeangacha san Ollscoil ruth de ranganna teanga ar fáil.
Ollscoil na Gaillimhe
Cuireann Acadamh na hOllscolaíochta Gaeilge ranganna ar fáil don phobal, do chéimithe, do mhic léinn agus do bhaill foirne uile na hOllscoile, chomh maith le cúrsaí samhraidh.
Ollscoil Teicneolaíochta Bhaile Átha Cliath
Cuireann Oifig na Gaeilge cúrsaí ar fáil don phobal, do chéimithe, do mhic léinn agus do bhaill foirne uile na hOllscoile.
