Leabhair Ghaeilge
Déantar cur síos san alt seo ar leabhair Gaeilge – siopaí, foilsitheoirí agus imeachtaí.
Cén áit ar féidir leat teacht orthu?
Tá Siopa Leabhar ag Conradh na Gaeilge in Uimhir 6, Sráid Fhearchair, atá oscailte ó 9.30 – 17.30 Luan go hAoine agus 10.00 – 16.00 ar an Satharn. Tá siopa ar líne acu ag siopaleabhar.com agus seolann siad leabhair amach sa phost go náisiúnta agus go hidirnáisiúnta.
Díolann Litríocht réimse leathan de leabhair Ghaeilge éagsúla ar líne, agus is féidir iad a sheoladh chugat tríd an bpost.
Is siopa leabhar neamhspleách é An Ceathrú Póilí, lonnaithe i gCultúrlann McAdam Ó Fiaich i mBéal Feirste. Osclaíonn siad ó 9:00 go 17:30 Luan go hAoine, agus ó 9:30 go 17:00 ar an Satharn.
Tá An Siopa Gaeilge lonnaithe i nGleann Cholm Cille, Dún na nGall. Tá Oideas Gael i bhfeighil air, grúpa atá ag múineadh na Gaeilge do dhaoine fásta ó 1984. Tá rogha ábhair acu atá oiriúnach don fhoghlaimeoir agus don mhúinteoir, chomh maith le hábhair do pháistí agus acmhainní ceoil thraidisiúnta.
Cuireann Gaelchultúr rogha leabhair ar fáil, chomh maith le dlúthdhioscaí, cártaí beannachta, t-léinte agus cluichí.
Féilte, imeachtaí agus clubanna
Is féile litríochta bliantúil í Imram, a bunaíodh í 2014. Tá sé mar aidhm ag an bhféile seo leabhair agus litríocht nua-aimseartha Ghaeilge a chur chun cinn trí imeachtaí éagsúla ar fud Bhaile Átha Cliath.
Bhunaigh Gaelchultúr Clubleabhar.com i 2004. Spreagann an tionscnamh daoine in Éirinn agus ar fud an domhain chun club leabhar a bhunú do leabhair Ghaeilge. Cuireann an suíomh leabhar amháin chun cinn in aghaidh na míosa, agus cuireann sé ardán ar fáil freisin, ionas gur féidir le daoine na leabhair a phlé agus chun tacaíocht a thabhairt dóibh.
15 leabhar d’fhoghlaimeoirí fásta
Seo roinnt moltaí ón ngréasán ‘Múinteoirí Gaeilge d’Aosaigh’:
- Éalú, le hÁine Ní Fhoghlú
- Dúnmharú ar an Dart, le R Ó Báille
- Tuairimí, le Honor Mhic Giolla Chlaoin
- An Geall, le Liam Mac Uistín
- An Mianadóir, le Jackie Mac Donncha
- An Strainséir, le Brian Ó Tiomáin
- An Gaeilgeoir Grámhar, le hAlan Desmond
- Teach na gColúr, le hAisling Ní Leidhin agus Liam Mac Amhlaigh
- Fianaise, le Mícheál Ó Ruairc
- Cathair an Tíogair le Feargal Ó Dubhghaill
- Nuair a Stadann an Ceol, le Marie Whelton
- Bóthar na Rós, le hOrna Ní Choileáin
- Fadó Riamh… ag an Tús, le hÁine Ní Ghlinn
- An Jailtacht: Dialann Emily Porter, le Richie Conroy
- Leathbhádóirí, le Marie Whelton
Foilsitheoirí
Seo thíos liosta de na comhlachtaí foilseacháin éagsúla agus a gcuid sonraí.
An Gúm
Foilsitheoir leabhar Gaeilge an Stáit – leabhar do dhaoine óga, páistí, leabhair scoile agus foclóirí don chuid is mó a bhíonn á chur i gcló acu.
An Sagart
Foilsíonn An Sagart leabhair léinn, sraitheanna agus irisí léannta chomh maith le nua-litríocht idir phrós, fhilíocht, spioradáltacht, dhiagacht agus dhrámaíocht. Is féidir teagmháil a dhéanamh leo ag pof@diseart.ie
An tSnáthaid Mhór
Leabhair Ghaeilge do dhaoine óga agus do pháistí léirithe le pictiúirí galánta.
Cló Chaisil
Leabhair bunaithe ar ábhar spioradálta. Is féidir teagmháil a dhéanamh leo ag cairco@eircom.net
Cló Iar-Chonnachta/ Cois Life
🔗 cic.ie
Foilsíonn Cló Iar-Chonnacht leabhair i nGaeilge agus ceol Gaelach. Díolann siad réimse leathan leabhair agus albaim ar ár suíomh idirlín agus ón siopa leabhar i gConamara. Cois Life: Foilsitheoirí chun tosaigh agus leabhair ghinearálta as Gaeilge á chur i gcló acu. Na mílte teidil i gcló acu idir phrós agus filíocht nua-aimseartha as Gaeilge.
Cló Mhaigh Eo
Leabhair galánta do ghasúir agus do dhaoine óga.
Coiscéim
Foilsitheoirí chun tosaigh agus leabhair ghinearálta as Gaeilge á chur i gcló acu. Na mílte teidil i gcló acu idir phrós agus filíocht nua-aimseartha as Gaeilge.
Cois Life
🔗 cic.ie
Litríocht agus ábhar acadúla.
Cumann na Scríbheann nGaedhilge
Tá leaganacha dea-scríofa, dea-aistrithe agus dea-eagraithe de shaothair atá os cionn céad bliana d’aois á chur i gcló ag Cumann na Scríbheann nGaedhilge.
Dalen Éireann
Foilsíonn Dalen Éireann Asterix agus Tintin i nGaeilge agus i dteangacha Ceilteacha eile.
Éabhlóid
Cuireann Éabhlóid ábhar Gaeilge ar fáil trasna na meáin scríofa, físe agus fuaime. Foilsíonn siad leabhair do dhaoine fásta agus do phaistí.
Foilseacháin Ábhair Spioradálta (FÁS)
Foilsitheoirí a chuireann leabhair spioradálta agus irisleabhar An Timire i gcló.
Futa Fata
Lipéid cheoil agus foilsitheoir ag cur leabhar agus dlúthdioscaí ar fáil as Gaeilge do dhaoine óga agus páistí.
Leabhar Breac
Litríocht ar ardchaighdeán as Gaeilge.
LeabhairCOMHAR
Athbhunaíodh an comhlacht foilsitheoireachta LeabhairCOMHAR sa bhliain 2010 chun nualitríocht na Gaeilge a fhorbairt. Tá sé mar aidhm ag an gcomhlacht seo scríbhneoirí úra a earcú agus a chothú ar bhonn leanúnach agus tá sraitheanna nua leabhar á bhforbairt aige faoi láthair.
Móinín
Litríocht as Gaeilge agus as Béarla do pháistí agus do dhaoine fásta. Is féidir teagmháil a dhéanamh leo ag moinin@eircom.net
Oidhreacht Chorca Dhuibhe
Speisialtóirí ag cur leabhar agus dlúthdioscaí i gcló a bhaineann go dlúth le Gaeltacht Chiarraí. Is féidir teagmháil a dhéanamh leo ag mus@cfcd.net
Púca Press
Comhlachta beag foilseachán ag cur leaganacha speisialta leabhar lámh clóite i gcló ar fáil as Gaeilge agus i dteangacha eile.
Sáirséal Ó Marcaigh: Cló Iar-Chonnachta
🔗 cic.ie
Faoi bhrat Chló Iar-Chonnachta a bhunaíodh atá Sáirséal-Ó Marcaigh. Bunaíodh an comhlacht ar dtús faoin ainm Sáirséal agus Dill, a chuir saothair an-chuid filí agus scríbhneoirí mór le rá san fhichiú haois. Téigh chuig a suíomh idirlín
✉ An bhfuil aon fhoilsitheoir nó siopa leabhar ar eolas agaibh nach bhfuil ar an liosta? Cuir chugainn iad!
