Nuachtlitir PEIG.ie
Is léir ó thorthaí na suirbhéanna a rinneamar i 2022 ar ár nuachtlitreacha laethúla go bhfuil a lucht léite sásta go leor leo faoi láthair. Bhí 88% sásta nó an-sásta leis an nuachtlitir a sheoltar mar ríomhphost, agus bhí 95% sásta nó an-sásta leis an nuachtlitir a scaiptear ar WhatsApp.
Moltaí
Bhailíomar an-chuid moltaí úsáideacha ón na freagraí freisin, agus is cinnte go leanfaimid ar aghaidh leis na gnéithe de na nuachtlitreacha a thaitin leis na léitheoirí – na scéalta éagsúla nuachta, an t-eolas faoi imeachtaí agus folúntais, an stíl ghontacht, an mhinicíocht, agus gnéithe éagsúla eile.
Beimid ag déanamh iarracht freisin aird a thabhairt ar na moltaí nua. Bhí daoine ag lorg níos mó faoi spórt agus ealaíon, míreanna ó mheáin eile cosúil le podchraoltaí, gné-ailt faoi ábhair úra cosúil le béaloideas, ailt faoi ábhair a chuideodh le foghlaimeoirí agus daltaí scoile, míreanna siamsaíochta idirghníomhacha, agus luadh roinnt rudaí eile chomh maith.
Aiseolas
Féach thíos ar bhlaiseadh den aiseolas faoin tairbhe éagsúil a bhaineann an lucht léite as na nuachtlitreacha:
💬 “Fuaireas an-sásamh as na fístéipeanna ó dhaoine éagsúla timpeall na tíre.”
💬 “Bainim an-taitneamh as go háirithe ailt ar stádas na Gaeilge. Is iar-mhúinteoir mé & cabhraíonn tú go mór liom mo chuid Gaeilge a choimeád suas.”
💬 “Blaiseadh sciobtha don nuacht agus d’imeachtaí”
💬 “Is breá liom a bheith ábalta teacht go furasta ar scríbhneoireacht sa Ghaeilge.”
💬 “Is maith liom go mbíonn réimse leathan téamaí/nuachta le léamh agam chuile mhaidin ar an mbealach chun na hoibre. Tugann sé spreagadh dom bheith ag léamh faoi chúrsaí reatha agus an Ghaeilge a choinneáil beo i mo shaol laethúil ar bhonn ginearálta!”
💬 “Gan í chaillfinn roinnt rudaí tábhachta mar shampla poist le Gaeilge.”
💬 “Míreanna faoin nGaeilge agus saol na Gaeilge nach bhfaighfeá sna meáin go hiondúil”
💬 “Tá a lán ábhar atá mé in ann a úsáid i mo chuid ranganna mar Chúntóir Teanga. Freisin tá na hailt an-suimiúil mar dheiseanna léitheoireachta.”
💬 “I live in the U.S. and I am a beginner learning Irish. The newsletter gives me good information about what is going on in Ireland with lots of good vocabulary to learn. It helps me to feel connected given that I am learning 100% online and have little opportunity to interact with others who speak or are learning Irish.”
Má tá aon aiseolas agaibh sna laethanta amach romhainn, beidh fáilte roimhe i gcónaí ag peig@cnag.ie.
Mar eolas, is féidir clárú dár nuachtlitreacha anseo.
Buíochas
👏 Táimid an-bhuíoch as na daoine a thug a dtuairimí dúinn – go raibh míle maith agaibh!