Sláinte Romhat: 5 bhealach simplí le slí mhaireachtála shláintiúil a chothú

Stórfocal: Saorga – Artificial, Tae luibhe – Herbal tea, Insileadh – Infusion, Slánbhia – Wholefood, Scroideanna – Snacks, Iompar sláinte – Health behaviour, Mínphróiseáilte – Refined, Lipéadú bia – Food labelling

Faigh oíche mhaith chodlata

Moltar solas gorm ó ghleasanna leictreonacha, ón teilifís agus nó ó sholais shaorga eile a sheachaint dhá uair roimh duit dul i do chodladh. Déanann solas ghorm aithris ar solas an lae agus mar sin déanann sé an intinn a choinneáil ina dúiseacht. Tá aipeanna ar fáil ar nós f.lux a chuireann bac ar sholas gorm ar ríomhairí, ar an iPhone agus ar fhóin a bhaineann úsáid as an gcóras oibriúcháin Android.

Is féidir tús a chur le nósanna dearfacha ar mhaithe le d’intinn agus do chorp a ullmhú do thréimhse codlata; cupáin tae luibhe a dhéanamh, folcadáin theo a bheith agat nó cúpla staidiúir ióga a dhéanamh. Mothóidh tú níos fearr agus níos sláintiúla tar éis duit codladh domhain ceart a bheith agat.

Déan aclaíocht ar bhonn laethúil

Déan iarracht 10 nóiméad aclaíochta ar a laghad a dhéanamh gach lá. Ní léir dúinn an tábhacht a bhaineann le bheith gníomhach gach lá agus cén maitheas go sonrach a dhéanann sin dár sláinte.

Má cheapann tú nach n-éireoidh leat aclaíocht a dhéanamh ar lá amháin bí ag smaoineamh go cruthaitheach faoi. Thuirling den bhus ag an stad roimh an ngnáthcheann ionas go mbeidh ort dul ag siúl ar feadh tamaill. Is féidir linn aclaíocht a shní isteach sa ghnáthlá má bhíonn muid cliste faoi. Níl ach 10 nóiméad i gceist pé scéal é.

Uisce Uisce Uisce

Tuigeann muid ar fad an ríthábhacht a bhaineann le bheith ag ól uisce ar bhonn reatha. Cé go bhfuil sé bunúsach is ceann de na nosanna is tabhachtaí ó thaobh sláinte de é.

Is minic go mbualann tuirse orainn i rith an lae agus is mar gheall ar easpa uisce sa chorp go dtarlaíonn a leithéid. Déan nós go n-ólfaidh tú gloine uisce gach cúpla uair agus le do chuid béiltí ar fad. Is féidir blas a chur leis muna bhfuil tú róthógtha leis ag úsáid ceann de na buidéail sin a dhéanann ‘insileadh’ duit (torthaí agus nó luibheanna sa lár a chuireann blas ar an uisce).

Tá caidrimh dhaonna ríthábhachtach dúinn

Ní cuireann sé iontas ar aon duine go bhfuil an leid seo lárnach i saol atá sláintúil. Moltar go ndéanfaí do chuid ama a roinnt idir caidrimh shóisialta chairdiúla agus caidrimh theaghlaigh. Cuireann sé seo feabhas ar iompar sláinte agus ísleofar baol mortlaíochta mar gheall air.

De réir taighde tá sé soléir go bhfuil dlúthbhaint idir uaigneas agus an dúlagar. Roghnaigh imeacht deas i do cheantar nó téigh amach faoin ngriain agus buail le do chairde. Déanfaidh an idirghníomhaíocht seo an-mhaitheas do sláinte na hintinne tríd is tríd.

Déan do chuid bia féin a ullmhú

Bain triail as béim a chur ar shlánbhianna, torthaí agus glásraí. Má tá slí mhaireachtála shláintiúil á lorg agat déan iarracht gan an iomarca d’aon rud amháin a ithe, saill nó siúcra cuir i gcás. Seachain bia atá mínphróiseáilte agus mar atá ráite againn thuas ól do chuid uisce. Léigh lipéadú bia nuair atá tú ag ceannach tárigí agus bí airdeallach faoi mhargaíocht. Roghnaigh scroideanna sláintúila cosúil le humas agus cairéid, grán rósta agus seacláid dhorcha in ionad brioscaí, cacaí agus a leithéid.

Má tá deis agat bain triail as cócaireacht sa bhaile in ionad a bheith ag ithe amach an t-am ar fad. Cabhraíonn sé seo go mór le fios a bheith agat céard é go díreach atá á ithe agat agus céard iad na comhábhair atá in úsáid. Is féidir babhla mór de bhéile amháin a dhéanamh agus cuid de a chur sa reoiteoir don lón níos déánaí sa tseachtain cuir i gcás. Tá iliomad deiseanna áille amuigh ansin faoi conas bia iontach a dhéanamh ar chostas íseal.