Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
  • Baile
  • Náisiúnta
  • ‘Is gá tuilleadh maoinithe a chur ar fáil d’fhoilseacháin Ghaeilge’ – tuarascáil neamhfhoilsithe Fhoras na Gaeilge
is-ga-tuilleadh-maoinithe-a-chur-ar-fail-dfhoilseachain-ghaeilge-tuarascail-neamhfhoilsithe-fhoras-na-gaeilge

‘Is gá tuilleadh maoinithe a chur ar fáil d’fhoilseacháin Ghaeilge’ – tuarascáil neamhfhoilsithe Fhoras na Gaeilge

Moltar i dtuarascáil neamhspleách a choimisiúnaigh Foras na Gaeilge go gcuirfeadh an eagraíocht teanga tuilleadh maoinithe ar fáil do Tuairisc.ie agus do na hirisí Gaeilge.

De réir tuairisce ar Nuacht TG4 aréir, deirtear sa tuarascáil a choimisiúnaigh Foras na Gaeilge chun athbhreithniú a dhéanamh ar earnáil na meán scríofa go bhfuil sé riachtanach cur leis an maoiniú a fhaigheann Tuairisc.ie, Nós agus Comhar.

De réir na tuairisce, maítear san athbhreithniú gur ciorruithe seachas forbairt atá i ndán do na foilseacháin Ghaeilge mura gcuirtear maoiniú réadúil ar fáil dóibh agus gurb é pobal léitheoireachta na Gaeilge a bheidh thíos leis sin.

Tuairiscíodh chomh maith go molann údar na tuarascála, an comhairleoir Séamus Daltún, saothar na bhfoilseachán ach go ndeir sé go bhfuil Tuairisc.ie agus na foilseacháin eile ag brath an iomarca ar obair dheonach agus ar dhea-thoil.

Dúradh chomh maith go n-áitíonn Daltún gur “róghairid” atá tréimhsí maoinithe na bhfoilseachán – ceithre bliana i gcás chonradh ‘an nuachtán seachtainiúil ar líne’ Tuairisc.ie.

Easpa cinnteachta an toradh a bhíonn air seo, a deirtear.

Thuairiscigh Nuacht TG4 chomh maith go ndeir Séamus Daltún sa tuarascáil, a chuir sé faoi bhráid an Fhorais ag deireadh na bliana seo caite, go bhféadfaí féachaint ar chónascadh a dhéanamh idir na foilseacháin.

Deir sé, mar shampla, go bhféadfaí Tuairisc.ie agus Nós a chónascadh. Deir sé, áfach, go mbeadh impleachtaí ag a leithéid de chónascadh do neamhspleáchas na bhfoilseachán.

Tuigtear go dtugtar ardmholadh sa tuarascáil do chaighdeán ard na seirbhíse a chuireann Tuairisc.ie ar fáil agus go n-aithnítear an rath atá ar an tseirbhís maidir le léitheoirí a mhealladh agus freastal a dhéanamh ar fhoghlaimeoirí. 

Bhí breis is 90% de na daoine a ghlac páirt i suirbhé a rinneadh den tuarasáil sásta le caighdeán iriseoireachta Tuairisc.ie. Maítear chomh maith go mbíonn go leor scéalta ag Tuairisc.ie nach ndéanfaí tuairisciú orthu ar chor ar bith mura mbeadh an tseirbhís ann agus deirtear go bhfuil an suíomh seo i lár an aonaigh i measc phobal na Gaeilge ar líne.

Deirtear sa tuarascáil go bhfuil branda láidir ag an iris Comhar agus go mbíonn plúr na scríbhneoireachta á fhoilsiú san iris. Deir údar na tuarascála, áfach, gur cheart níos mó léitheoirí a bheith ag an iris mhíosúil.

Deirtear go bhfuil an iris stíl mhaireachtála Nós ag freastal ar a spriocphobal agus moltar ardchaighdeán na Gaeilge sna trí fhoilseachán.

I ráiteas a chuir siad ar fáil do Tuairisc.ie aréir, dúirt Foras na Gaeilge go raibh athbhreithniú ar siúl faoi láthair acu ar na scéimeanna faoina gcuireann siad tacaíocht ar fáil do na meáin scríofa.

“Tá sé os cionn ceithre bliana ó rinne Bord Fhoras na Gaeilge cinntí i leith maoiniú le haghaidh na dtrí sholáthróir reatha, agus tá athruithe móra i ndiaidh teacht ar thimpeallacht na meán, idir mheáin shóisialta, mheáin scríofa agus sholáthar ar líne sa tréimhse sin ó bhí 2014 ann, cé nach bhfuil méadú ar bith i ndiaidh teacht ar mhaoiniú Fhoras na Gaeilge san idirlinn.

“Tá Foras na Gaeilge ag iarraidh a chinntiú go bhfuil an leas is fearr is féidir á bhaint as an mhaoiniú atá ar fáil againn le tacú leis an réimse seo, agus chuige sin tá tuairisc faighte againn ar an chur chuige reatha. Beidh an tuairisc sin, a chuimsíonn tuairimí an údair agus na ndeontaithe reatha, á cur san áireamh againn agus muid ag amharc ar ghnéithe eile den cheist seo. Beidh cinntí le déanamh ag Bord Fhoras na Gaeilge maidir le caiteachas sa réimse seo ó 2020 i leith níos faide anonn sa bhliain, agus beidh a bhfuil sa tuairisc seo agus roinnt tuairiscí eile á gcur san áireamh againn.”

Chinn Foras na Gaeilge ag deireadh na bliana seo caite go ndéanfaí taighde nua agus go reáchtálfaí próiseas comhairliúcháin phoiblí faoi earnáil na meán scríofa, anuas ar thuarascáil Dhaltúin.

Idir an dá linn, ghlac Tuairisc.ie, Nós agus Comhar le síneadh ama eile lena gconarthaí, go dtí an 31 Nollaig 2019.

Seo an dara síneadh ama i gcás na dtrí fhoilseachán.

Tháinig deireadh le conradh ceithre bliana Tuairisc.ie i mí Iúil na bliana seo caite, ach aontaíodh go leanfaí le foilsiú na seirbhíse nuachta ar líne go dtí deireadh 2018, fad is a bhí athbhreithniú neamhspleách á dhéanamh ag Séamus Daltún ar na meáin a fhaigheann maoiniú ón bhForas. €300,000 in aghaidh na bliana a fhaigheann Tuairisc.ie chun ‘nuachtán seachtainiúil ar líne’ a chur ar fáil. €75,000 a fhaigheann Nós gach bliain agus €120,000 a chuirtear ar fáil do Comhar.

Cuireadh an t-athbhreithniú sin i gcrích ó shin, ach tá athbhreithniú eile le déanamh ar an earnáil ag Foras na Gaeilge i mbliana.

Tháinig deireadh le bunchonradh na hirise Comhar ag deireadh na bliana 2017 agus i mí Lúnasa 2017 a tháinig deireadh leis an mbunchonradh a bhí ag an iris stíl mhaireachtála, Nós. 

Ag tagairt don athbhreithniú a rinne Séamus Daltún ar an earnáil, dúirt Foras na Gaeilge ag deireadh na bliana seo caite go raibh “tús maith” curtha acu le taighde “ar ghnéithe áirithe” dá scéimeanna ‘Iris Ghaeilge Chlóite’, ‘Iris Stíl Mhaireachtála’ agus ‘Nuachtán ar líne’, ach go mbeadh an taighde sin “á leathnú…sna míonna amach romhainn le léargas níos cuimsithí a fháil ar na meáin Ghaeilge chlóite agus ar líne”. 

Dúradh go raibh seacht mbliana ann ó foilsíodh Tuairisc Uí Chollatáin ar straitéis Fhoras na Gaeilge i leith earnáil na meán Gaeilge clóite agus gur “earnáil í seo atá ag forbairt ar bhonn leanúnach ó thaobh nósanna léitheoireachta agus forbairtí teicneolaíochta”. 

Dúradh go mbeifí ag tógáil ar “an buntaighde” a rinne Séamus Daltún agus go mbeifí “ag dul i mbun comhairliúcháin maidir le mianta agus riachtanais an phobail i dtaca leis na meáin Ghaeilge chlóite agus ar líne”.

Níos mó
Nuacht – Tuairisc.ie | Tuairisc .ie

tuairisc.ie

Cláraigh do nuachtlitir PEIG

  • Conradh na Gaeilge
  • Foras na Gaeilge