Baile
AoisghrĂșpaĂ­
> 4 Bliain
Ainmneacha Gaeilge
NaĂ­onraĂ­
Ag ĂșsĂĄid Gaeilge le do phĂĄistĂ­
Ag tĂłgĂĄil pĂĄistĂ­ le Gaeilge taobh amuigh den Ghaeltacht
Ag TĂłgĂĄil PĂĄistĂ­ le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
BuntĂĄistĂ­ Oideachais trĂ­ Ghaeilge
ColĂĄistĂ­ Samhraidh
An Ghaelbhratach
FĂ©ilte
Tacaíocht, Seirbhísí agus Áiseanna
12 > 18 Bliain
GaelcholĂĄistĂ­
BuntĂĄistĂ­ Oideachais trĂ­ Ghaeilge
ColĂĄistĂ­ Samhraidh
5 leid nuair atĂĄ tĂș ag dul chun na Gaeltachta
An Ghaelbhratach
FĂ©ilte
Ag ĂșsĂĄid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac LĂ©inn
CĂșrsaĂ­ le Gaeilge ar an 3Ăș LeibhĂ©al
FĂ©ilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine FĂĄsta
Glac PĂĄirt sa Ghluaiseacht
Ciorcail ChomhrĂĄ | Caint & ComhrĂĄ
FĂ©ilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharphĂĄistĂ­
Pobal
Ciorcail ChomhrĂĄ | Caint & ComhrĂĄ
Sloinne
An Ghaeltacht
GrĂșpaĂ­ Pobail
Na LĂĄrionaid Ghaeilge
Sloinne
Na CeanneagraĂ­ochtaĂ­
FĂ©ilte
Seachtain na Gaeilge le Energia
ImeachtaĂ­ ArdĂș Feasachta
Leabhair Ghaeilge
PodchraoltaĂ­ Gaeilge
An Chaint
Oifigigh Gaeilge i bhFeidhmeannacht na SeirbhĂ­se SlĂĄinte (FSS)
7 dtreoir le bheith nĂ­os sĂĄbhĂĄilte ar lĂ­ne
Foghlaim
Ag foghlaim na Gaeilge
NaĂ­onraĂ­
GaelcholĂĄistĂ­
Gaelscoileanna
An Ghaeilge i Scoileanna BĂ©arla
Foghlaim Gaeilge mar dhuine fĂĄsta
TĂ©armaĂ­ocht agus Gramadach ar lĂ­ne
Ranganna
SeirbhĂ­sĂ­ Gaeilge do Scoileanna
Cearta
Acht na dTeangacha OifigiĂșla 2003
Cairt Eorpach do Theangacha RĂ©igiĂșnacha & Mionlaigh
Straitéisí Gaeilge ó Thuaidh is ó Dheas
SeirbhĂ­sĂ­ ar fĂĄil as Gaeilge
Glac PĂĄirt sa Ghluaiseacht
FeachtasaĂ­ocht
Taighde Gaeilge
Ag ĂșsĂĄid Gaeilge le seirbhĂ­sĂ­ stĂĄit
An Coimisinéir Teanga
6 fhorbairt teicneolaĂ­octha atĂĄ Ăł chainteoirĂ­ na Gaeilge
FostaĂ­ocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
CĂ© hiad na fostĂłirĂ­ Gaeilge is mĂł?
Comhairle agallaimh do phost le Gaeilge
CĂșrsaĂ­ iarchĂ©ime Gaeilge do shaol an lae inniu
CĂșrsaĂ­ bunchĂ©ime spĂ©isiĂșla le Gaeilge
FolĂșntais
FĂ­seĂĄin: 'Do Ghairm le Gaeilge'
LeabhrĂĄn Ghairmeacha le Gaeilge
5 leid d'fhĂ­sagallaimh
Ceisteanna Coitianta

Ar dhroim na Mucaise!

Fearghal Mag Uiginn

DĂșn na nGall 1-24 – An CabhĂĄn 2-16

NĂĄ ligtear don scĂłr deiridh dallamullĂłg ar bith a chur ort, bua slachtmhar a bhĂ­ ag DĂșn na nGall i gCluain Eois innĂ© ar bhuachaillĂ­ an ChabhĂĄin, nĂĄr umhlaigh.

A fhad is a mhair an cluiche seo mar choimhlint, is nĂ­or mhair ach cĂșig bhomaite is fiche, ba ag foireann DhĂ©aglĂĄin UĂ­ ChnĂĄimhsĂ­ a bhĂ­ an lĂĄmh in uachtar in achan ghnĂ© den imirt, a bheag nĂł a mhĂłr. 

Seo an deichiĂș craobh ag DĂșn na nGall agus an chĂ©ad uair a baineadh dhĂĄ chraobh chĂșige droim le droim, Ă©acht ann fĂ©in. Cuirtear leis an Ă©acht sin gur thĂłg seisear ar an fhoireann an cĂșigiĂș bonn cĂșige innĂ© – Mag Fhloinn, Mac Briartaigh (0-5), PĂĄdaĂ­ Mac Craith, Niall Mag Aoidh, Leo Mac An Luain agus an captaen Ă© fĂ©in, MĂ­cheĂĄl Ó MurchĂș (0-4). CĂșig huaire anois atĂĄ an Corn Angla-Cheilteach tĂłgtha aige mar chaptaen, nua-stair.

Is fĂ­or go mbeidh an 2-11 a d’aimsigh an CabhĂĄn sa dara leath mar ardĂș beag meanman – agus ina ĂĄbhar beag imnĂ­ ag na buaiteoirĂ­ go ndearnadh talamh slĂĄn den bhua rĂłluath – ach faoin am ar dhĂ­righ Jamie Ó BraonĂĄin (1-4) cĂșilĂ­n eile idir na cuaillĂ­, bhĂ­ na buaiteoirĂ­ 0-11/0-4 chun tosaigh agus an CabhĂĄn i mbaol a bhĂĄite.

Faoi leath ama nĂ­ raibh tarrthĂĄil ar bith i ndĂĄn d’fhoireann MhicĂ­ UĂ­ GhrĂ©achĂĄin agus d’fhĂĄg rabharta ionsaithe sa chĂ©ad leath cosaint an ChabhĂĄin spĂ­onta – Mac ThomĂĄis (0-2), Jason Mag Aoidh (0-2), Mac PhĂĄidĂ­n (0-1), Eoghan BĂĄn (0-1) agus an DĂĄlach Ăłg, Niall (0-1).

Is fiĂș an pointe a threisiĂș – a fhad is a mhair an cluiche ceannais seo mar choimhlint, ba ag DĂșn na nGall a bhĂ­ an lĂĄmh in uachtar. 

Rinneadh cinneadh cinniĂșnach sular caitheadh an liathrĂłid isteach nuair a cuireadh OdhrĂĄn Mac PhĂĄidĂ­n-Ó Fearraigh chun pĂĄirce in ĂĄit Leo Mhic an Luain.  Dualgas ar leith a tugadh dĂł agus d’éirigh le fear Ghaoth Dobhair luas Dara Mhic an Bhiataigh an ChabhĂĄin a chealĂș agus ba bheag an tionchar a bhĂ­ ag laoch Bhreifne dĂĄ bharr.    PlĂșchadh a iarrachtaĂ­ go luath is go minic faoi chosaint daingean na mbuaiteoirĂ­.

Thosaigh deacrachtaĂ­ an ChabhĂĄin ag an chĂșl s’acu fĂ©in agus brĂș fiĂĄnta ĂĄ chur ar chic amach an chaptaein agus an chĂșl bĂĄire, RĂ©amonn Ó GealagĂĄin.   Ba shuntasach an buntĂĄiste a bhĂ­ ag na buaiteoirĂ­ san aer nuair a b’éigean do Ó GealagĂĄin cic amach fada a roghnĂș.   Mac PhĂĄidĂ­n, Mag Aoidh, Ó LangĂĄin (0-1) is Mac ThomĂĄis ina ann a seilbh fĂ©in a ghnothĂș agus tĂșs a chur le hionsaĂ­ eile.    Imirt bhreĂĄ oscailte a bhĂ­ le leas na mbuaiteoirĂ­.

Ba shuntasach an chodarsnacht fosta ag ceann eile na pĂĄirce mar nĂ­or aimsigh an CabhĂĄn ach scĂłr amhĂĄin Ăłn imirt sa chĂ©ad leath, in aineoinn iarrachtaĂ­ mĂłra Mhic ThiarnĂĄin, MhuĂ­neach agus MhĂĄirtĂ­n UĂ­ Raghallaigh.  Ba shuntasaĂ­ an chodarsnacht maidir leis an chic amach.   Go rialta, bhĂ­ cĂșl bĂĄire DhĂșn na nGall, SeĂĄn Ó PeatĂĄin, in ann imreoirĂ­ a aimsiĂș ar a thoil le cic amach 70-80 mĂ©adar agus tĂșs a chur le hionsaĂ­ eile lĂĄithreach bonn.

Caithfear a lua gur bheaichte ‘pas’ amach nĂĄ cic amach mar arĂ­s eile thug fear Naomh AdhamhnĂĄin taispeĂĄntas oilte, go speisialta sa chĂ©ad leath sin.

Agus Rian Mag Aoidh (0-1) ag stiĂșradh ghluaiseachtaĂ­ fĂ­ochmhara na bua nach raibh neart ag an ChabhĂĄn orthu, cuireadh leis an bhuntĂĄiste.  Faobhar fĂ­ochmhar.  Ó BraonĂĄin ag casadh is ag lĂșbadh agus mar chrĂĄ croĂ­ an lĂĄ ar fad lena luas.  BhĂ­ fir an ChabhĂĄin ar a ndĂ­cheall le splanc a aimsiĂș a dhĂ©anfadh an fhoireann agus a lucht leanĂșna ollmhĂłr a ghrĂ­osĂș – ach fĂ­rinne na peile gur beag dĂłchas a bhĂ­ fĂĄgtha ag leathama ach cĂłir na gaoithe bheith leo sa dara trĂ©imhse.

DĂșn na nGall 0-13 – An CabhĂĄn 0-5

Is cinnte gur lĂ©irigh an CabhĂĄn mianach, spiorad, miotal, brĂłd agus crĂłgacht sa dara leath – in aghaidh easa.     Cuireadh Cian Ó Maca chun pĂĄirce ag leathama agus is dĂ­ol spĂ©ise Ă© gur aimsigh fir ionaid an CabhĂĄin 2-4 eadarthu innĂ©. 

Diaidh ar ndiaidh, d’éirigh leo buntĂĄiste beag a bhaint as an ghaoth agus as Mac an Bhiataigh (0-3) a bhogadh isteach mar lĂĄntosaĂ­.   BhĂ­ ruathair aonair OisĂ­n Mhic Phiarais ag cruthĂș seansanna, ba mhinice Mac ThiarnĂĄin (0-6) le sonrĂș sa chomhimirt, ach cĂșl a bhĂ­ de dhĂ­th go gĂ©ar le haisĂ©irĂ­ de chineĂĄl ar bith a spreagadh.

Agus thĂĄinig cĂșl – ach ag ceann eile na pĂĄirce.  Jamie Ó BraonĂĄin a chuir deireadh le dĂłchas ar bith a bhĂ­ ag an ChabhĂĄn nuair a thug a luas isteach go croĂ­ lĂĄr na cearnĂłige Ă©.  A ghliceas (nĂł a inchinn peile?!) a thug air ligint don liathrĂłid titim dĂĄ lĂĄmha.  Scuab sĂ© an liathrĂłid isteach san eangach go hoilte lena chos dheas.

Sop in ĂĄit na scuaibe a bhĂ­ sa dĂĄ chĂșl a d’aimsigh an CabhĂĄn ar ball. 

TĂĄ obair idir lĂĄmha sa ChabhĂĄn a thiocfas in aibĂ­ocht leis an chiall cheannaithe a tĂłgadh innĂ©.  TĂĄ obair idir lĂĄmha ag MicĂ­ Ó GrĂ©achĂĄin nĂĄr thĂĄinig blĂĄth uirthi go fĂłill ach oiread.  NĂ­l ach ceithre mhĂ­ caite aige i mbun oibre mar ba cheart.

Is cĂłir bliain ar a laghad a thabhairt sula dtig breithiĂșnas a dhĂ©anamh ar an dul chun cinn. Bliain. 

Is maith a thuigeann fear amhĂĄin a thĂłg a chuigiĂș bonn innĂ© achar bliana.  

Pådaí Mac Briartaigh. 

Bliain ghlan ó shin sa chluiche ceannais rinneadh dochar mór då bhallnasc croiseach agus fågadh ar thrå fholamh na peile é. 

InnĂ©, bhĂ­ laoch Chill Chartha ar a sheanlĂ©im agus ceithre chĂșilĂ­n Ăłn imirt aige.

Seans nach bhfuil sĂ©asĂșr DhĂșn na nGall ach ina thĂșs.

NĂ­os mĂł

ClĂĄraigh do nuachtlitir PEIG

  • Conradh na Gaeilge
  • Foras na Gaeilge