Tá trí dhuais mhór buaite ag an scannán Gaeilge de chuid TG4, Arracht.
Bronnadh ar an scéinséir, a stiúir Tom O’Sullivan, dhá ghradam ag Féile Scannán Idirnáisiúnta Bhaile Átha Cliath Virgin Media inné, an Gradam don Scannán is Fearr as Éirinn agus gradam Aer Lingus Discovery a bronnadh ar aisteoir Dónall Ó Héalaí. As na hAille in Indreabhán i nGaeltacht Chonamara Ó Héalaí atá i bpríomhpháirt an scéinséara atá lonnaithe in iarthar na hÉireann le linn an Ghorta Mhóir.
Ag Féile Scannán Ghlaschú a bronnadh an duais eile ar Arracht, Gradam an Lucht Féachana, gradam ar vótáil an pobal dó.
There’s only one award at #GFF and it’s decided by YOU, the people.
Without further ado, the CalMac Ferries Audience Award goes to… ARRACHT 🎉🏆
The film was received so warmly by our GFF audience – packing GFT2 at both screenings!
Congratulations ! pic.twitter.com/1lEcwHDcPI
— Glasgow Film Fest (@glasgowfilmfest) March 8, 2020
Tá Arracht ar an dara scannán atá léirithe faoi Cine 4, atá á maoiniú ag TG4, an BAI agus Fís Éireann, agus údar mór uchtaigh a bheidh sna duaiseanna do lucht na scéime sin.
Tá léirmheasanna moltacha faighte ag an bhfadscannán Gaeilge ó bhí a premiere aige in Tallinn na hEastóine ag deireadh na bliana seo caite.
Beidh sé le feiceáil sa phictiúrlann i mí Aibreáin.
Ar na daoine eile atá i gcliar an scannáin a léirigh Macalla Teo, tá na haisteoirí Gaeltachta eile Dara Devaney, Siobhán O’Kelly agus Eoin Ó Dubhghaill chomh maith le Michael McElhatton as Game Of Thrones.
#VMDIFF20 Aer Lingus Discovery Award Winners
Dónal Ó Hèalaí – Actor ‘Arracht’ pic.twitter.com/Ug7Btlarhc
— Virgin Media Dublin International Film Festival (@DublinFilmFest) March 8, 2020
