Normal People, Rose of Covid-19, agus iontais eile an tsaoil ar líne
Físeán na Seachtaine
Nach fíor é seo do dhuine ar bith atá ag cócaireacht dó féin sa bhaile le linn na tréimhse aistí seo, agus muid uilig beo ar toasties cáise.
(Ar ábhar eile, bhí Rásaí na Gaillimhe ina chlár ar dóigh, @TG4 cuir ar an seinnteoir é le bhur dtoil)
Cuntas Insta na Seachtaine
Selkies Studio – @selkies_
Is Bleá Cliathach í Louise Ní Chuilinn atá ag cur fúithi sa Bheilg faoi láthair. Cruthaíonn sí priontaí agus píosaí ealaíne atá nuálach, ildaite, greannmhar agus bríomhar. San am i láthair agus í sáinnithe sa teach, bhí Louise ag tarraingt agus ag scaipeadh ‘Focal an lae’ ar Instagram agus ar Twitter. Lean ar a cuntas ealaíne agus a cuntas pearsanta í fá choinne inspioráid stíl agus bia fosta!
Giolc na seachtaine
Go leor ráite.
(Ach amháin go bhfuil cruinnithe Zoom fíor-thuirsúil má tá níos mó ná beirt ar an líne, agus tá a fhios agam go n-aontaíonn sibh uilig liom, fiú muna dtig libh é a admháil)
Melée Méarchláir na Seachtaine
Craoladh an tsraith úr Normal People ar BBC Three, Hulu, agus RTÉ an tseachtain seo, bunaithe ar an leabhar rathúil a scríobh Sally Rooney. Caithfidh mé a bheith ionraice, bhí sé ar intinn agam píosa den cholún seo a dhíriú ar an chlár cibé, faoi ‘Clár teilifíse na seachtaine’ go dtí go dtáinig tráthnóna Déardaoin agus clár Liveline Joe Duffy. Caithfidh go raibh tú i bhfolach faoi chloch muna bhfaca tú an stoirm a tharla ar Twitter le linn an chláir.
Tharla go raibh an clár a bhí an mhórchuid de dhaoine a mholadh mar léargas réadúil, nuálach agus folláin ar ghnéas, toiliú agus ar shaol an duine óig, beagáinín conspóideach le gnáth-éisteoirí Liveline, agus thosaigh racán idir na rannpháirtithe agus Joe, ag cruthú píosa raidió ar chóir a bheith curtha i scrín agus caomhnaithe ar feadh na gcéadta blianta, le taispeáint do na glúnta a thiocfaidh inár ndiaidh mar shampla de staid mheabhrach an phobail agus muid glasáilte inár dtithe ar feadh mí go leith in 2020.
Fiú tháinig an stiúrthóir Lenny Abrahamson, a ainmníodh ag na Oscars cheana, agus chuir sé a ladar sa scéal go simplí leis an giolc seo:
Rogha giolcacha eile a tháinig aníos faoin gcomhrá:
Leag súil ar:
Seoladh feachtas úr pleanála teanga ar líne an tseachtain seo, faoi bhrat Údarás na Gaeltachta. Iarrtar ar phobail Ghaeltachta ar fud na tíre pictiúir a chrochadh ar na meáin shóisialta leis an haischlib #SeoÍAnGhaeltacht, agus léargas a thabhairt ar shaol mhuintir na Gaeltachta, cibé áit ina bhfuil siad, agus an cairdeas, brí, agus na nósanna maireachtála atá acu sa bhaile.
Cionn is go bhfuil Rós Thrá Lí curtha ar ceal, mar atá go leor imeachtaí de bharr an DrochRuda, tá an Ciarraíoch Éimear Ní Dhufaigh ag cur comórtas le chéile ar líne anocht, Dé hAoine, áit a gcuireann tú ort do chulaith agus crochann tú físeán de do ‘party piece’ ar Twitter leis an haischlib #RoseOfCovid19. Beidh Taryn DeVere agus Colm O’Regan ann mar mholtóirí, agus beidh duais ann don iontráil is fearr. Coinnigh súil amach dona Escorts agus má bhíonn ar bith orainn b’fhéidir go dtiocfaidh Dáithí Ó Sé féin isteach ar an chraic!
