Cur i bhfeidhm éifeachtach an luath-thumoideachais iomláin, 13 Aibreán 2021
Gaeloideachas
Gaeloideachas, Halla Naomh Pádraig, Institiúid Oideachais Marino, Ascail Uí Gríofa, Baile Átha Cliath 9
Cur i bhfeidhm éifeachtach an luath-thumoideachais iomláin, 13 Aibreán 2021
@ Gaeloideachas
Téama: Cur i bhfeidhm éifeachtach an luath-thumoideachais iomláin: dea-chleachtais, straitéisí agus moltaí praiticiúla ó pheirspictíocht agus thaithí scoileanna éagsúla
Dírithe ar: Múinteoirí agus príomhoidí bunscoile
Am agus áit: 13 Aibreán 2021, 19.00, Zoom
Cláraigh anseo: Seimineáir ar líne | Gaeloideachas
Aoichainteoirí: Caitlín Uí Shúilleabháin, Scoil na Maighdine Muire gan Smál, Camus, Deirble Nic Conghamhna, Scoil Neasáin agus Máire Ní Mhaoileoin, Scoil Neasáin
Le linn na ceardlainne seo roinnfear straitéisí agus acmhainní praiticiúla le múinteoirí agus príomhoidí maidir le cur i bhfeidhm éifeachtach an luath-thumoideachais iomláin ag díriú ar chúrsaí ceannaireachta, forbairt na luath-litearthachta, cothú saibhris agus spreagadh na Gaeilge labhartha, múineadh an Bhéarla agus go leor eile. Roinnfear moltaí fiúntacha sa cheardlann a rachaidh chun leasa scoileanna a bhfuil an luath-thumoideachas iomlán i bhfeidhm acu cheana agus scoileanna ar mhaith leo an tréimhse thumoideachais a shíneadh. Díreofar go mion ar na nithe thíos lena linn:
- An Luath-litearthacht agus fónaic (Mar a Déarfá! Cód na Gaeilge, Séideán Sí agus cláir eile)
- Polasaí agus cur chuige don léitheoireacht sna bunranganna
- Múineadh an Bhéarla i Rang a hAon agus Rang a Dó
- An teanga ó bhéal agus saibhreas teanga – pleanáil agus acmhainní, spreagadh agus mealladh
- An Clár Aistear – foclóir & sealbhú teanga, réamhullmhúchán agus seifteanna eile leis an leas is fearr a bhaint as stáisiúin
- Difreáil/idirdhealú – cainteoirí dúchais agus foghlaimeoirí
- Cur i bhfeidhm an luath-thumoideachais i suíomh ilranganna
- Cúntóirí teanga/múinteoirí Gaeilge – conas an leas is éifeachtaí a bhaint as a gcuid cúnaimh i scoil Ghaeltachta
- Aistear scoile agus iad ag athrú a cur chuige maidir le múineadh an Bhéarla agus síneadh an tumoideachais
- Tacú le tuismitheoirí – ábhar imní agus ceisteanna a phlé agus tacú leo cúnamh a thabhairt dá bpáistí ar aistear an luath-thumoideachais
