CEANNASAÍ OIFIG MEDIA NA GAILLIMHE

Tá Oifig MEDIA na Gaillimhe ag earcú Ceannasaí don eagraíocht atá lonnaithe sa Spidéal, Co na Gaillimhe.

Is oifig eolais don Chlár An Eoraip Chruthaitheach í Deasc na hEorpa Cruthaithí Oifig MEDIA na Gaillimhe a chuireann seirbhís eolais ar fáil maidir leis an bhfó-chlár MEDIA atá ag tacú le tionscal closamhairc na hEorpa.
Is post sinsearach, dúshlánach é seo ag bainistiú na heagraíochta maraon le seirbhís eolais agus comhairleoireachta a chur ar fáil don earnáil closamhairc san Iarthar agus sna ceantair Gaeltachta.
Beidh sár-scileanna idir-phearsanta agus cumarsáide ag an té a cheapfar agus beidh siad ábalta oibriú go neamhspléach, solúbtha as a stuaim féin. Is fearr tuiscint ar an earnáil closamhairc a bheith ag iarrathóirí agus bheadh suim faoi leith i gcúrsaí teilifíse nó scannánaíochta mar bhuntáiste.

Is í an Ghaeilge príomhtheanga oibre na hOifige. Is fostóir comhionnanais é Oifig MEDIA na Gaillimhe
Breis eolais ar fáil ag https://www.creativeeuropeireland.eu/news-events/

Seol do CV maraon le litir iarratais ina leagtar amach an bealach a n-oireann do thaithí agus do cháilíochtaí don ról seo chuig eolas@creativeeuropeireland.eu roimh 17.00 ar an 23ú Lúnasa 2024.