Oifigeach Forbartha Cléireachais – Cúige Laighean

Tá folúntas ag Ógras le haghaidh Oifigeach Forbartha/Cléireachais i gCeantar Chúige Laighean le béim faoi leith ar Bhaile Átha Cliath.

Is deis iontach é seo do dhuine a bhfuil taithí acu a bheith ag obair le daoine óga agus go bhfuil tuiscint acu ar an oideachas neamh-fhoirmeálta agus gur mian leo tionchur dearfach a imirt ar obair óige trí mheán na Gaeilge.

Dualgais:

• Tacú le breis chlubanna de chuid Ógras agus Óg-Ógras a bhunú timpeall Chúige Laighean le béim ar Chathair Átha Cliath
• Imeachtaí réigiúnda & náisiúnta a eagrú
• Cúrsaí oiliúna do cheannairí a eagrú & a reáchtáil
• Suíomh idirlíne Ógras a uasdátú go rialta
• Tacú le clubanna i taobh maoiniú agus tuairisciú chuig na mBord Oideachais Oiliúna.
• Plé le Grinnfhiosrúcháin
• Obair riarachán eile.

Riachtanach:

• Ard-Chaighdeán Gaeilge idir labhartha agus scríofa
• Taithí & Tuiscint ar obair óige
• Ard-scileanna cumarsáide & idirphearsanta
• Ábalta obair as a stuaim féin
• Scileanna maithe ríomhaireachta
• Ceadúnas glan tiomána agus teacht ar charr

Lonnaithe: Cúige Laighean
Maoinitheoir: An Roinn Leanaí, Comhionannais, Míchumais, Lán-Pháirtíochta agus Óige
Tuarastal: €32,677 – €36,788
Post lán-aimseartha ar feadh trí bliana (tar éis 6 mhí tréimhse profa)
Laethanta Saoire: 21 lá pro rata.

Seol iarratais chomh maith le C.V. chuig
cathaoirleach@ogras.ie
Roimh an Aoine 2 Lúnasa 2024

Cúlra

Bunaíodh Ógras chun seirbhís óige a sholáthar trí mheán na Gaeilge. Tugann Ógras cúnamh agus tacaíocht le clubanna óige a bhunú agus a bhuanú timpeall na tíre, chomh maith le traenáil a chur ar fáil i réimse leathan ábhar.

Misean

• An Ghaeilge agus an cultúr agus oidhreacht Ghaelach a chur chun cinn i measc dhaoine óga trí spásanna agus deiseanna a thabhairt do dhaoine le bheith ar a suaimhneas agus an Ghaeilge á húsaid acu mar chuid de phobal na Gaeilge atá ag dul i méid.
• Timpeallachtaí sábhailte a chruthú ar bhealach atá spraíúil, nua-aoiseach agus comhaimseartha, a spreagann agus a chuireann ar chumas daoine óga taitneamh a bhaint as a bheith ag úsáid na Gaeilge.
• Clár oibre don aos óg atá spleodrach, éagsúil agus pleanáilte a chur ar fáil trí Ghaeilge a spreagann macnamh cruthaitheach, neartú muiníne agus forbairt shóisialta trí ghníomhaíochtaí spraíúla, spóirt agus fóillíochta.

Príomhfheidhm an phost:

Beidh an tOifigeach Forbartha Cléireachais fostaithe chun díriú isteach ar chlubanna nua a bhunú agus a láidriú timpeall Chúige Laighean chomh maith le daoine deonacha breis a earcú le dul i mbun clubanna agus tionscnaimh óige.

Aidhmeanna

1. Cur le soláthar seirbhís óige
2. Forbairt a dhéanamh ar chaighdeáin & éagsúlacht an tseirbhís óige atá ann cheana féin;
3. Imeachtaí réigiúnach & naisiúnta a eagrú agus a bhuanú;
4. Traenáil agus Oiliúint a chur ar cheannairí óige;
5. Greasán de clubanna agus tionscnaimh óige a fhorbairt timpeall Bhaile Átha Cliath

Spriocanna

Beidh na spriocanna seo a leanas mar chuid den phost:

1. Teagmháil a dhéanamh le grúpaí pobail, scoileanna agus eagraíochtaí nó coistí Gaeilge chun feasacht a ardú maidir le obair óige trí mheán na Gaeilge.
2. Ceannairí nua a earcú go rialta
3. Imeachtaí réigiúnda agus naisiúnta a eagrú;
4. Ceardlanna agus tionscadail a eagrú sna clubanna
5. Sonraí teagmhála na gclubanna a choinneáil suas chun dáta
6. Freastal ar chruinnithe thar cheann na heagraíochta
7. Suíomh idirlíne Ógras a uasdátú go rialta
8. Bunachar sonraí ceannairí agus clubanna a uasdátú go rialta
9. Obair Ógras a chur chun cinn trí chruinnithe agus cur i láthair ag ócáidí agus imeachtaí éagsúla
10. Poiblíocht a dhéanamh ar imeachtaí Ógras
11. Tuairiscí agus taifead suas chun dáta a choinneáil ar an obair

Sonraíocht Phearsanta

Scileanna

• Ardscileanna cumarsáide idir labhartha agus scríofa i nGaeilge agus i mBéarla – cur i láthair san áireamh;
• Scileanna maithe idirphearsanta
• Scileanna maithe ríomhaireachta
• Taithí ar plé leis na meáin shóisialta agus eolach ar bhealaí cruthaíoch le obair Ógras a fhógairt agus a chur chun cinn

Pearsantacht

• Scileanna idirbheartaíochta;
• Scileanna comhréitigh;
• Bheith in inmhe glacadh le treoir agus comhairle a leanúint agus a chur i gcrích;
• Bheith féinspreagtha & ábalta obair as a stuaim féin

Taithí

• Taithí ar Bhainistiú Tionscnamh
• Taithí ar a bheith ag obair le daoine óga
• Taithí ar chúrsaí oiliúna a fhorbairt agus a chur ar fáil
• Taithí ar bhunú ghrúpaí/coistí nó ar a bheith ag plé leo
• Taithí ar oideachas neamh-fhoirmeálta

Eolas

• Eolas ar Ógras agus ar an earnáil óige
• Eolas agus tuiscint ar riachtanais daoine óga

Cáilíochtaí

• Cáilíocht 3ú leibhéal in obair óige nó obair pobail nó i réimse gaolmhara nó a chomhionann taithí
• Cáilíocht sa Ghaeilge

Eolas eile:

• Glacfar le hiarratais as Gaeilge amháin don ról seo.
• Beidh na hagallaimh don phost ar siúl thar Zoom
• Post maoinithe ag an Roinn Leanaí, Comhionannais, Lánpháirtíochta, Míchumais agus Óige.

Is fostóir comhionannas é Ógras agus is í an Ghaeilge teanga oibre na heagraíochta.