Agóid ar son na Palaistíne taobh amuigh de cheannáras RTÉ

Bhí agóid ar son na Palaistíne taobh amuigh de cheannáras RTÉ an tseachtain seo caite agus lucht an léirsithe ag impí ar RTÉ gan páirt a ghlacadh i gcomórtas Eurovision na bliana seo, as siocair go bhfuil sé le bheith ar siúl in Iarúsailéim.

Tá Iarúsailéim ar cheann de na cathracha is ársa agus is mó a bhfuil aighneas ina taobh ar domhan, agus dar le cuid mhór daoine ar fud na cruinne go bhfuil sí suite i gcríocha gafa.

Is in iarthar Iarúsailéim atá foirgnimh rialtas Iosrael suite ach de réir na bPalaistíneach is in oirthear na cathrach a bheadh príomhchathair an stáit nua atá á lorg acu féin.

Tá seasamh soiléir ag Éirinn agus ag an Aontas Eorpach maidir le lonnaíochtaí Iosrael sa Phalaistín: is críocha iad an Bruach Thiar, lena n-áirítear an Iarúsailéim Thoir, Gaza, agus Arda Golan atá faoi fhorghabháil Iosrael ó 1967. 

Tá lonnaíochtaí Iosraelacha mídhleathach faoin dlí idirnáisiúnta, agus ciallaíonn sin go bhfuil siad ina mbac mór ar an tsíocháin sa dúiche.

Le blianta beaga anuas tá cúrsaí ag dul in olcas do mhuintir na Palaistíne.

Labhair Meon leofa siúd a bhí i láthair ag an agóid.

Tá sé socraithe cheana féin gurb í Sarah McTernan a bheidh ag déanamh ionadaíocht ar son na hÉireann ag Comórtas Eurovision na bliana seo.

Dúirt Michael Kealy atá ag obair ar an Eurovision thar ceann RTÉ:

“RTÉ respects anyone’s right to protest, but  RTÉ is a public service broadcaster and doesn’t take a political stance…

…All of RTÉ’s colleagues throughout the European Broadcasting Union, such as the BBC and French TV, are participating in Eurovision this year…

…The contest is about music and is not political.”