Baile
Aoisghrúpaí
> 4 Bliain
Ainmneacha Gaeilge
Naíonraí
Ag úsáid Gaeilge le do pháistí
Ag tógáil páistí le Gaeilge taobh amuigh den Ghaeltacht
Ag Tógáil Páistí le Gaeilge sa Ghaeltacht
Tacaíocht, Seirbhísí agus Áiseanna
4 > 12 Bliain
Gaelscoileanna
Buntáistí Oideachais trí Ghaeilge
Coláistí Samhraidh
An Ghaelbhratach
Féilte
Tacaíocht, Seirbhísí agus Áiseanna
12 > 18 Bliain
Gaelcholáistí
Buntáistí Oideachais trí Ghaeilge
Coláistí Samhraidh
5 leid nuair atá tú ag dul chun na Gaeltachta
An Ghaelbhratach
Féilte
Ag úsáid d’ainm as Gaeilge
Tacaíocht, Seirbhísí agus Áiseanna
18 > 22 Bliain
Cumainn Ghaelacha & Aontais Mhac Léinn
Cúrsaí le Gaeilge ar an 3ú Leibhéal
Féilte
Tacaíocht, Seirbhísí agus Áiseanna
22+ Bliain
Gairmeacha le Gaeilge in Éirinn
Ag foghlaim na Gaeilge
Ranganna Gaeilge do Dhaoine Fásta
Glac Páirt sa Ghluaiseacht
Ciorcail Chomhrá | Caint & Comhrá
Féilte
Saoire sa Ghaeltacht
Tacaíocht, Seirbhísí agus Áiseanna
Ag labhairt Gaeilge le do gharpháistí
Pobal
Ciorcail Chomhrá | Caint & Comhrá
Sloinne
An Ghaeltacht
Grúpaí Pobail
Na Lárionaid Ghaeilge
Sloinne
Na Ceanneagraíochtaí
Féilte
Seachtain na Gaeilge le Energia
Imeachtaí Ardú Feasachta
Leabhair Ghaeilge
Podchraoltaí Gaeilge
An Chaint
Oifigigh Gaeilge i bhFeidhmeannacht na Seirbhíse Sláinte (FSS)
7 dtreoir le bheith níos sábháilte ar líne
Foghlaim
Ag foghlaim na Gaeilge
Naíonraí
Gaelcholáistí
Gaelscoileanna
An Ghaeilge i Scoileanna Béarla
Foghlaim Gaeilge mar dhuine fásta
Téarmaíocht agus Gramadach ar líne
Ranganna
Seirbhísí Gaeilge do Scoileanna
Cearta
Acht na dTeangacha Oifigiúla 2003
Cairt Eorpach do Theangacha Réigiúnacha & Mionlaigh
Straitéisí Gaeilge ó Thuaidh is ó Dheas
Seirbhísí ar fáil as Gaeilge
Glac Páirt sa Ghluaiseacht
Feachtasaíocht
Taighde Gaeilge
Ag úsáid Gaeilge le seirbhísí stáit
An Coimisinéir Teanga
6 fhorbairt teicneolaíoctha atá ó chainteoirí na Gaeilge
Fostaíocht
Gairmeacha le Gaeilge san Eoraip
Gairmeacha le Gaeilge in Éirinn
CV Samplach Gaeilge
Ag lorg poist leis an nGaeilge
Cé hiad na fostóirí Gaeilge is mó?
Comhairle agallaimh do phost le Gaeilge
Cúrsaí iarchéime Gaeilge do shaol an lae inniu
Cúrsaí bunchéime spéisiúla le Gaeilge
Folúntais
Físeáin: 'Do Ghairm le Gaeilge'
Leabhrán Ghairmeacha le Gaeilge
Nuacht
<a-href="https://nos.ie"-class="credit-nos"-target="-blank"-rel="noopener-noreferrer"></a>-feile-‘craiceann’-agus-imeachtai-eile

Féile ‘Craiceann’ agus imeachtaí eile

Seoladh albam nua Gatehouse, Ionad Ealaíona Ros Comáin, Dé hAoine 21 Meitheamh @ 20:00

Tá an dara albam curtha le chéile ag baill an bhanna Gatehouse! Is minic go mbíodh rianta ón gcéad albam, Tús Nua, á sheinm agam féin agus mo chomhghleacaithe ar RTÉ Raidió na Gaeltachta – táim ag súil go mór más ea, le greim a fháil ar Heather Down the Moor, atá curtha i dtoll a chéile acu. 

Seolfar an saothar nua in Ionad Ealaíona Ros Comáin tráthnóna inniu, agus is faoin bhfliúiteadóir ón gcontae céanna, Patsy Hanly, a bheidh an cúram sin. Beidh aíonna ceolmhara speisialta ar an láthair chomh maith: Conor McEvoy, John Joe Kelly, Michael McCague and Paddy McEvoy.

 

Seoladh an leabhair Aistí ar Smaointeoireacht an Ríordánaigh, Dún Chíomháin, Dé Sathairn 22 Meitheamh @ 17:00

Ní insint dán ach bheith: Aistí ar Smaointeoireachtan Ríordánaigh, teideal an leabhair nua atá curtha in eagar ag Ríona Ní Churtáin ó Ollscoil Luimnigh agus Tríona Ní Shíocháin ó Ollscoil na hÉireann, Corcaigh agus a sheolfaidh an file Dairena Ní Chinnéide Dé Sathairn. Is aistí ar smaointeoireacht Sheáin Uí Ríordáin atá sa saothar seo a d’fhoilsigh An Sagart. Is i nDún Chíomháin sna Cluainte a bheidh an seoladh, agus tá fáilte roimh chách ann.

 

Inni-K, The Sanctuary Stage,  Body & Soul, Co. na hIarmhí, Dé Sathairn 22 Meitheamh @ 17:00;

Inni-K agus Her Crooked Heart, Tigh tábhairne an Cobblestone, Margadh na Feirme, Dé Máirt 25 Meitheamh @ 20.30;

Inni-K, Black Box, Béal Feirste, Dé Céadaoin 26 Meitheamh @ 20:00

Is maith is eol d’éisteoirí rialta an leathanaigh seo, go bhfuil dúil mhór agam i gceol Inni-K. A stuif aonair agus a cuid ceoil leis an mbanna Ré; is amhránaí breá í, atá in ann stíl an tsean-nóis agus stíl chomhaimseartha a thabhairt léi go paiteanta, gan trácht ar a cumas uirlise.

Is ag Body & Soul a bheidh sí Dé Sathairn, d’éinne atá ag teacht chucu féin tar éis Fhéile na Gealaí agus fonn ragairne orthu arís!

Beidh sí le feiscint in éineacht le banna ceoil cumasach eile, ó Minneapolis Dé Máirt seo chugainn i dtábhairne an Cobblestone i Margadh na Feirme, Her Crooked Heart atá orthu – Rachel Ries agus a comhghleacaithe ceolmhara. 

Tá saol an cheoil breá láidir sa cheantar sin, agus cáil an cheoil ní hamháin ar an tábhairne sin, ach ar Walsh’s, Hughes agus scata eile sa chomharsanacht.

Tar éis di a bheith san Ardchathair, tabharfaidh sí aghaidh ar Bhéal Feirste, mar go mbeidh sí sa Black Box Dé Céadaoin. Is féidir ticéid a cheannach ar a suíomh www.inni-k.com

Pop Up Gaeltacht, Tamhlacht, Dé Sathairn 22 Meitheamh @ 12:30;

Siúlóid Chlainne, Tamhlacht, Dé Domhnaigh 23 Meitheamh @ 12:00 (ag bualadh le chéile ag Clubtheach Thomáis Daibhís, Bóthar Choill Tobair)

Lá spraoi amuigh faoin aer é Tallafest, agus beidh sé ar siúl arís eile i mbliana, Dé Sathairn beag seo. Is i dTamhlacht, gan dabht, a bheidh ceiliúradh á dhéanamh ar oidhreacht tuaithe, ealaíona, ceardaíochta agus cultúrtha an cheantair, i gcaitheamh an lae. 

Pop Up Gaeltacht bheag atá beartaithe ag Gaelphobal Thamhlachta, le ceol, rince agus péinteáil aghaidhe geallta ag seastán an ghrúpa seo, lasmuigh den gcaife, 1Scéal, atá ar tí oscailt go ríluath. 

Tabharfar deis don bpobal an láthair a fheiscint sara n-osclófar go hoifigiúil é! Más ceoltóir tú agus suim agat a bheith ag seinm ag an ócáid, is féidir nóta a sheoladh chuig na baill ar an leathanach seo Facebook.

Bíodh sibh ar an eolas chomh maith go mbeidh siúlóid chlainne, eagraithe ag an dream céanna, ar bun in éineacht leis an staraí áitiúil Tomás Ó Meachair. Is dírithe ar Ghleann na Smól agus an ceantar máguaird (an áit ar thit Oisín dá chapall, de réir dealramh), a bheidh an turas. Beifear ag bualadh le chéile ag Clubtheach Thomáis Daibhís ag 12. Bí leo, más spéis leat é!

Craiceann – Scoil Samhraidh an Bhodhráin, Inis Oírr 24-29 Meitheamh ’19

Beidh Scoil Samhraidh ‘Craiceann’ faoi lán tseoil ar Inis Oírr ón Luan seo chugainn ar aghaidh, imeacht a dhíríonn ar ceol an bhodhráin! Beidh ranganna teagaisc ar bun leo siúd a bhfuil fios a gcúram go maith acu – mar shampla Siobhán O’Donnell, Jim Higgins, Robbie Walsh agus Andy Kruspe. Beidh Dónal Lunny féin ar an láthair chun a chuid eolais a roinnt le lucht na scoile. Tá dhá cheolchoirm beartaithe chomh maith i rith na seachtaine, The Conifers agus Troda a bheidh le feiscint. Tá súil agam go mbeidh an aimsir leo.

An Húlaí Mhór, Féile Kaleidoscope, Baile Choimín 27-30 Meitheamh

Beidh An Ghaeilge ag croílár na féile Kaleidoscope, atá á reáchtáil den gcéad uair i mBaile Choimín an tseachtain seo chugainn. Féile spraíúil, ildaite í seo, atá dírithe ar an aos-óg, agus go háirithe ar chlanna. Tá baint nach beag ag Conradh na Gaeilge leis, agus ceardlanna agus imeachtaí éagsúla le bheith ar siúl acu ar an láthair. Díreoidh, mar shampla, Raidió Rí-Rá ar cheardlann phodchraolta do dhéagóirí agus tá láthair champála do chlanna le Gaeilge, áit a mbeidh spás do leathchéad duine! I measc an cheoil, beidh na bannaí Dó Fá Dó, TradSoc UCC, Círéib, TradSoc Mhá Nuad, Push for Porter, CCE Léim an Bhradáin (agus rinceoirí), le feiscint! Cruthaitheacht, ealaín, drámaíocht, draíocht, spraoi, ceol agus nádúr geallta!

Níos mó

Cláraigh do nuachtlitir PEIG

  • Conradh na Gaeilge
  • Foras na Gaeilge