‘Múiríl bháistí, salachar báistí, agus ceathanna geimhriúla’ — na téarmaí is mó a bhíonn ag Aimsir TG4

“Tréimhse gréine” agus “salachar báistí” na téarmaí aimsire a fheictear ar chuntas Twitter An Aimsir Láithreach ar TG4, de réir anailís atá déanta ag an Ollamh Kevin Scannell ó Ollscoil St Louis.

Idir dhea-scéalta agus drochscéalta aimsire a bhíonn ag @AimsirTG4 dá gcuid leantóirí, is cosúil, agus nathanna ar nós “aimsir bhreá”, “tréimhsí geala”, “báisteach throm” agus “baol seaca” i measc na ndeich nath is coitianta ar an gcuntas. 

Tá @AimsirTG4 ar cheann de na cuntais Ghaeilge is gníomhaí ar Twitter agus an scéal is deireanaí faoi chúrsaí aimsire á scaipeadh acu go rialta, chomh maith le pictiúir agus físeáin dheasa ó cheann ceann na tíre. 

Tá 31 téarma ar an liosta a chur Kevin Scannell le chéile agus spléachadh deas ann ar an éagsúlachta canúna agus an saibhreas teanga a bhíonn le fáil i bhfaisnéisiú lucht aimsire an stáisiúin Gaeilge. Baineann 23 téarma ar an le drochaimsir agus baineann ocht gcinn acu leis an dea-aimsir. 

Ar bharr an liosta tá “tréimhsí gréine” — rud a chuir iontas ar lucht An Aimsir Láithreach féin!

Ní hé seo an chéad uair a rinneadh anailís ar théarmaíocht na aimsire i nGaeilge. Dhá bhliain ó shin, chuir Kevin minicíocht na bhfocal ‘sneachta’ agus ‘báisteach’ i gcomparáid le chéile:

Níos mó