Déanfaidh grúpa daltaí ó Phobalscoil Chorca Dhuibhne ionadaíocht ar Éirinn ag Craobh na hEorpa d’fhiontraithe óga tar éis dóibh an comórtas náisiúnta a thabhairt leo an tseachtain seo.
Is é an fiontar ‘Cártaí Feasa’ a bhain an chéad áit amach i gcomórtas Chlár na gComhlachtaí Údarás na Gaeltachta, 2021 inné.
Chruthaigh Sibéal Ní Órgáin, Aoife Feirtéar and Caoimhe Ní Bheaglaoich an comhlacht, a dhéanann cártaí beannachtaí a insíonn scéalta béaloidis na hÉireann. Tá cód QR ar chúl gach cárta atá le scanadh agus a thabharfaidh na custaiméirí chuig láithreán gréasáin leis an scéal béaloidis iomlán a fháil.
Táimid chomh sásta gur bhuamar an Comórtas Idirnáisiúnta Clár na gComhlachtaí 2021! Beimid ag dul ar aghaidh anois chun ionadaíocht a dhéanamh d’Éireann i gcomórtas ceannais na hEorpa i mí Iúil 🤩@JA_Irl @UdarasnaG 🌿 pic.twitter.com/iI81hl1PYb
— Cártaí Feasa (@cartaifeasa) April 22, 2021
Déanfaidh an triúr ionadaíocht ar Éirinn ag Comhlacht na Bliana, Comórtas Junior Achievement na hEorpa 2021 [JA na hEorpa] a reáchtálfar i mí Iúil.
Ghlac daltaí ó scoileanna Gaeltachta ó Chiarraí, ó Ghaillimh, ó Mhaigh Eo agus ó Dhún na nGall páirt i mbabhta ceannais Chlár na gComhlachtaí, a reáchtáladh ar líne.
