Dinnéar Nollaig na mBan agus imeachtaí eile
Seoladh an albaim Den Díobháil le Nuadán // Coláiste na Rinne, An Rinn Dé Sathairn 4 Eanáir @ 19:30
I rith na bliana seo caite, bhíos ag trácht ar albam nua an bhanna Nuadán, Dén Díobháil. Seoladh cúpla babhta in 2019 é, agus déanfar amhlaidh chomh maith ag tús 2020. Is ó dheas sa Rinn ag an deireadh seachtaine a bheidh an banna, agus is faoi Chiarán Ó Gealbháin a bheidh sé é a sheoladh. Seinnfear cúpla port agus beidh ceiliúradh ann ina dhiaidh!
Dinnéar agus siamsaíocht, Nollaig na mBan // Ciamei Cafe, An Charraig Dhubh, Dé Luain 6 Eanáir @ 19:00
Tá Nollaig na mBan chugainn. Beidh cuid de mhná na tíre ag teacht le chéile Dé Luan chun suntas a thabhairt don oíche speisialta seo, agus é a chomóradh ar shlite éagsúla. Slí amháin a dhéanfar é ná le teacht le chéile atá beartaithe i Ciamei Cafe, sa Charraig Dhubh i ndeisceart Átha Cliath.
Is sa Mhargadh ar an mbaile atá sé lonnaithe, agus bia Iodálach acu ar an mbiachlár. Tugtar cuireadh dóibh siúd a bheidh i láthair a gcuid uirlisí ceoil a thabhairt leo, nó má tá dán nó amhrán ag éinne, fáilte rompu iad a rá. Más mian leat a bheith ann, bí cinnte teachtaireacht a sheoladh chuig gaeilgebactheas@gmail.com roimh dheireadh an lae inniu. Tá an grúpa Spraoi Baile Átha Cliath le tacaíocht ó Ghlór na nGael ag eagrú an imeachta seo.
Tá imeachtaí eile Gaelacha beartaithe do Nollaig na mBan agus beidh sibh in ann féachaint orthu ag an leathanach Facebook seo.
One for the Foxes
The Stormy Teacup Luimneach Dé Céadaoin 8 Eanáir @ 19:30;
The Cobblestone, Baile Átha Cliath Déardaoin 9 Eanáir @ 20:30;
The White Horse, Baile an Chollaigh, Corcaigh 10 Eanáir @ 21:00
Tabharfaidh an banna One for the Foxes aghaidh ar chontaetha éagsúla an tseachtain seo. Sin iad an lánúin Joanna Hyde agus Tadhg Ó Meachair; agus Dave Curley leo. Tá aithne orthu ní hamháin ó bheith ag seinnt le chéile, ach ó bheith páirteach i ngrúpaí eile rathúla chomh maith, cuirim i gcás The Hydes, Goitse agus SLIDE.
Tá albam curtha le chéile acu dar teideal Take a Look Around agus beidh fáil air ag tús mhí Feabhra. Seolfaidh siad in The Stormy Teacup é i Luimneach Dé Céadaoin, sula dtabharfaidh siad aghaidh ar thábhairne an Cobblestone i mBaile Átha Cliath Déardaoin agus The White Horse i mBaile an Chollaigh Dé hAoine.
Session with the Pipers // Tábhairne an Cobblestone, Baile Átha Cliath, Déardaoin 7 Eanáir @ 21:00
Is é an 7 Eanáir an chéad Mháirt den bhliain. Ócáid rialta a bhíonn ar siúl an chéad Mháirt de na haon mhí ná Session with the Pipers, agus is amhlaidh a bheidh an tseachtain seo chomh maith. An nós a bhaineann leis seo, ná go dtagann ceoltóirí le chéile i dtábhairne an Cobblestone do sheisiún réamh-eagraithe. Ceoltóirí na míosa seo ná Gay McKeon (píb uilleann), Gearóid Keane (consairtín), Seán Keane (fidil) agus Seán Mone leis na hamhráin. Osclófar na doirse timpeall 21.00. Is le tacaíocht ón gComhairle Ealaíon atá an ócáid seo ag tarlú.
Pop Up Gaeltacht, Áras Chluain Tarbh, Dé hAoine 10 Eanáir @ 20:00
Pop Up de dhíth ort? Bí ar an eolas go mbeidh a leithéid ar siúl in aice an chósta i mBaile Átha Cliath ar an Aoine. Is in Áras Chluain Tarbh a bheith sé ar bun, sa Chúldoras óna hocht a chlog. Deis chun do chuid Gaeilge a úsáid agus a chleachtadh… agus bualadh leo siúd a bhfuil spéis acu sa teanga chomh maith. Gach eolas le fáil ón leathanach seo
