Tá eolas á lorg ag na Gardaí faoi thimpiste bhóthair inar maraíodh fear óg ar Bhóthar Dhoirefhearta ar an gCeathrú Rua i gConamara aréir.
Ag thart ar 3.50am a tháinig na Gardaí agus na seirbhísí éigeandála ar láthair na timpiste, inar bhásaigh an tiománaí, fear as an gCeathrú Rua a bhí sna tríochaidí,
Carr amháin a bhí sa timpiste agus fógraíodh ar an láthair go raibh an tiománaí marbh.
Bhí fear eile, atá thart ar scór bliain d’aois agus arb as an gCeathrú Rua é chomh maith, sa suíochán paisnéara. Tugadh an otharcharr go dtí Ospidéal na hOllscoile, Gaillimh é. Ní bhaineann son bhaol báis leis na gortuithe a d’fhulaing sé.
Tá iarrtha ag na Gardaí i mBóthar na Trá ar aon duine a chonaic an timpiste teagmháil a dhéanamh leo.
Bhí lucht na hOifige um Imscrúdú Fóiréinseach ar Imbhuailtaí le scrúdú a dhéanamh ar láthair na timpiste ar maidin.
