Gairmeacha le Gaeilge san Eoraip

Déantar cur síos san alt seo ar na deiseanna fostaíochta san Aontas Eorpach.

Is cuma más mac léinn thú ag tosú amach sa saol gairmiúil nó má tá an-taithí agat air, tugann an AE deis d’aon duine a bheith ag obair leo.

Féach anseo ar na folúntais reatha le Gaeilge atá ag an Aontas Eorpach, agus éist le taithí an aistritheora seo san Eoraip:

Osclaíonn institiúidí an Aontais Eorpaigh gairmréim idirnáisiúnta do dhaoine uaillmhianacha, éirimiúla. Beidh tú lonnaithe i gceartlár na hEorpa agus bainfidh tú sult as an timpeallacht idirnáisiúnta agus as freagrachtaí a ghlacadh ón gcéad lá sa phost. Déanann an AE freastal ar 500 milliún duine i 28 Ballstát, rud a thabharfaidh réimse an-leathan agus ar scála an-mhór duit mar rogha – agus beidh deis agat difríocht shuntasach bhuan a dhéanamh.

Más mac léinn thú atá ar tí críochnú nó más céimí thú, tig leat iarratas a dhéanamh ar phost ar an leibhéal iontrála san AE i réimsí éagsúla; Déanann an AE céimithe a bhfuil taithí oibre acu, pearsanra riaracháin agus gairmithe oilte a earcú go rialta i réimse leathan speisialtachtaí, agus aistritheoirí agus ateangairí freisin.

Tá scileanna láidre anailíseacha, eagraíochtúla, agus cúmarsáide de dhíth más spéis leat a bheith ag obair san AE. Tugann sé deis iontach le bheith ag obair le daoine ó chúltúir éagsúla chomh maith.

Brúigh anseo chun tuilleadh eolais a fháil faoin gcineál obair a dhéantar san Aontas Eorpach.

Uasdátaithe: Bealtaine 2024