Preasráiteas: Suíomh úr PEIG.ie á sheoladh ag fógairt ré nua don Ghaeilge ar an idirlíon

Seolfar suíomh úr PEIG.ie ag Oireachtas na Samhna ag 13:00 ar Shatharn, 2 Samhain sa Svuít City West in Óstán City West. Leis seo cuirfear fáilte roimh ré nua do PEIG.ie agus don Ghaeilge ar an idirlíon. Is é soláthar nuachta, imeachtaí, folúntas agus eolais as Gaeilge a mbíonn PEIG.ie dírithe air agus tabharfaidh an suíomh úrnua seo céim mhór chun cinn ar mhaithe le caighdéan an tsoláthair sin a fheabhsú.

Seolfaidh Dr Brian Ó Raghallaigh an suíomh, duine a bhfuil an-saineolas agus taithí aige ag plé le suíomhanna greásáin ar nós Logainm.ie agus Dúchas.ie tríd an ról atá aige mar Ollamh Cúnta (Tionscadail Taighde) in Fiontar & Scoil na Gaeilge, Ollscoil Chathair Bhaile Átha Cliath (DCU).

Deir Niall Comer, Uachtarán Chonradh na Gaeilge:

“Céim mhór chun cinn do phobal na Gaeilge ar líne í suíomh úr PEIG.ie a sheoladh inniu. Is mór dúinn tacaíocht an Dr Brian Ó Raghallaigh, a chabhraigh leis an bhfoireann le linn an athchóirithe ar roinnt ceisteanna teicniúla a bhain leis an gcóras léarscáilíochta. Is a bhuíochas le dul chun cinn digitiú logainmneacha na tíre go bhfuil an léarscáil as Gaeilge ar an suíomh anois agus tá Brian agus foireann s’aige le moladh as an obair iontach a bhíonn idir lámha acu.”

Deir Dónal Ó Gallachóir, Feidhmeannach Ilmheán agus Lárphointe Feasachta le PEIG.ie:

“Tá an-chuid oibre déanta againn ar an suíomh úr seo agus táimid iontach bródúil é a sheoladh go hoifigiúil. Tá feabhsaithe móra suntasacha déanta againn ar fheidhmiúlacht an tsuímh agus tá sé réidh anois don ré nua seo ar an idirlíon. Tá súil againn go mbeidh an mórphobal in ann tairbhe agus fiúntas a bhaint as, más sa tóir ar nuacht an lae, imeachtaí áitiúla, post nua nó eolas faoin nGaeilge atá siad.”

Tá fáilte roimh aon duine ar spéis leo teacht chuig an imeacht a bheith linn ar an lá. Le linn an tseolta bronnfar duaiseanna ar bhuaiteoirí an chomórtais atá á reáchtáil ag PEIG.ie, dearbhán €250 do Ticketmaster agus Amazon Echo Dot (Alexa). Tá tuilleadh eolais faoin gcomórtas ar fáil ar PEIG.ie.

BREIS EOLAIS:

Dónal Ó Gallachóir
Feidhmeannach Ilmheán agus Lárphointe Feasachta le PEIG.ie
donal@cnag.ie | 353 (0)1 4757401 | +35387 6656804

Róisín Ní Mhaoláin
Feidhmeannach Cumarsáide
roisin@cnag.ie | 353 (0)1 4757401 | +35387 6338931

NÓTA DON EAGARTHÓIR:

Is é Conradh na Gaeilge fóram daonlathach phobal na Gaeilge. Tá níos mó ná 200 craobh agus an iliomad ball aonair ag an gConradh ar fud na cruinne, baill a bhíonn ag saothrú chun úsáid na teanga a chur chun cinn ina gceantar féin. Is í príomhaidhm na heagraíochta an Ghaeilge a spreagadh mar ghnáth-theanga labhartha na hÉireann. Bhunaigh Dubhghlas de hÍde, Eoin Mac Néill, agus comhghleacaithe leo Conradh na Gaeilge ar 31 Iúil 1893. Tá idir ranganna Gaeilge; abhcóideacht ar son chearta teanga; fheachtais fheasachta; Seachtain na Gaeilge; PEIG.ie, lárphointe eolais don Ghaeilge; An Siopa Leabhar; thacaíocht do Raidió Rí-Rá; agus eile ar bun ag an eagraíocht ó shin i leith. Tuilleadh eolais: www.cnag.ie

Is ardán ilmheán é PEIG.ie atá á sholáthar ag Conradh na Gaeilge le maoiniú ó Fhoras na Gaeilge. Is éard atá i gceist le PEIG.ie ná lárphointe eolais don Ghaeilge, a chuireann nuacht, féilire imeachtaí, bord folúntas agus go leor eile ar fáil don phobal. Tá sé mar aidhm ag Conradh na Gaeilge go mbeidh PEIG.ie mar fhoinse eolais luachmhar d’éinne le suim sa teanga, ó chainteoirí líofa go turasóirí. Chomh maith le nuacht agus imeachtaí, tá réimse leathan d’eolas ginearálta faoin nGaeilge ar fáil ag PEIG.ie, a chlúdaíonn gach rud ó shaoirí sa Ghaeltacht go cearta teanga agus scaiptear nuachtlitir trí ríomhphost gach maidin.

PEIG.ie to be launched welcoming in a new era for the Irish language online

PEIG.ie’s new website will be launched at Oireachtas na Samhna this year at 13:00 on Saturday the 2nd of November in the City West Suite in the City West Hotel. This launch welcomes in a new era for the Irish language online. PEIG.ie focuses on providing news, events, job vacancies and information to the Irish language community and to the learners of the language. The new website is a leap forward in improving the standard of the service that PEIG.ie provides to its users.

Dr Brian Ó Raghallaigh will officially launched the site, a person who has an in-depth knowledge of the Irish language online through his role dealing with Logainm.ie and Dúchas.ie as an Assistant Professor (Research Projects) in Fiontar & Scoil na Gaeilge, Dublin City University.

Niall Comer, President of Conradh na Gaeilge says:

“Today marks a significant progression for the Irish language community online with the launch of the new PEIG.ie website. We are grateful for the support of Dr Brian Ó Raghallaigh who helped the team during the rebuild tackle some tricky technical issues relating to the mapping system. The Irish language map on PEIG.ie has been made possible by progress in the digitisation of Ireland’s place names, work which Brian and his team can we immensely proud of.”

Dónal Ó Gallachóir, Multimedia and Awareness Hub Executive with PEIG.ie says:

“We have put in a serious amount of work into this new site and we are proud to finally officially launch it. Significant improvements have been made to its functionality and we believe it is now ready for the internet of this day and age. We hope the online community will benefit from using PEIG.ie, whether its daily news, local events, a new job or information about the Irish language they seek.”

All who wish to attend the PEIG.ie launch are more than welcome. During the launch prizes will be presented to the winners of the competition that PEIG.ie has organised. These prizes are a €250 voucher for Ticketmaster and an Amazon Echo Dot (Alexa). More information about the competition can be found on PEIG.ie.

MORE INFORMATION

Dónal Ó Gallachóir
Multimedia and Awareness Hub Executive with PEIG.ie:
donal@cnag.ie | 353 (0)1 4757401 | +35387 6656804

Róisín Ní Mhaoláin
Communications Executive
roisin@cnag.ie | 353 (0)1 4757401 | +35387 6338931

NOTE FOR EDITOR:

Conradh na Gaeilge is the democratic forum for the Irish-speaking community. The Conradh has over 200 branches and numerous individual members registered around the world, members that work hard to promote the use of Irish in their own areas. Conradh na Gaeilge’s main aim is to promote the use of Irish as the standard language in Ireland. Conradh na Gaeilge was established by Douglas Hyde, Eoin Mac Néill, and their colleagues on the 31st of July 1893. The organisation runs Irish-language courses; advocates for the language rights of Irish-speakers; raises awareness about the language; hosts the international Irish-language festival Seachtain na Gaeilge; manages the Irish-language information hub PEIG.ie and the Irish-language bookshop An Siopa Leabhar; supports Raidió Rí-Rá; and much more. More information: cnag.ie

PEIG.ie is a multimedia platform provided by Conradh na Gaeilge, with funding from Foras na Gaeilge. PEIG.ie is a central point of information for the Irish language, providing news, an interactive events map, a job vacancies board and much more. Conradh na Gaeilge hopes that PEIG.ie will be a valuable source of information for anyone interested in the language, from fluent speakers to tourists. PEIG also offers a wide range of general information on the Irish language and a newsletter which is distributed by email every morning.