Tá cáineadh géar déanta ar an bhfeisire parlaiminte de chuid an DUP Gregory Campbell as beag is fiú a dhéanamh den Ghaeilge agus masla a thabhairt do lucht a labhartha.
I bpostáil a chuir sé ar a leathanach Facebook, thagair an feisire parlaiminte don chlár Gaeilge Nazi sa Ghaeltacht, a craoladh ar an BBC aréir, agus do ráiteas conspóideach a rinne sé féin mar mhagadh faoin nGaeilge in 2014.
“I’m informed that BBC 2 NI had a programme on tonight about a suspected German spy who lived in the RoI during the war.
“The humorous bit was when he was supposed to have spoken Irish with a German accent. I vill not be tempted to ask vot is dis curried yoghurt mein herr,” a scríobh Campbell.
Tagairt ab ea ‘curried yoghurt’ d’eachtra in 2014 inar cuireadh cosc lae ar Campbell labhairt i gComhthionól Stormont nuair a rinne sé ‘scigaithris’ ar an abairt ‘Go raibh maith agat, a Cheann Comhairle’.
“Curry my yoghurt can coca coalyer,” a dúirt Campbell mar mhagadh le linn díospóireacht sa chomhthionól.
Bhí Aire Dlí Stormont agus ceannaire pháirtí an Alliance, Naomi Long, ar dhuine de na daoine a cháin Campbell as filleadh ar a sheanmhaslaí. Iompar “gangaideach” a bhí ar bun aige, a dúirt Long.
It’s also tired and a bit pathetic. Clearly, Gregory wants more attention so he trots out his old material to get a reaction.
The DUP really need to have a word. His approach is completely toxic.
— Naomi Long MLA (@naomi_long) July 27, 2020
Dúirt an comhalta tionóil de chuid Shinn Féin Emma Sheerin go raibh an phostáil “gránna agus maslach”.
Mhaígh ceannaire Shinn Féin sa Seanad Niall Ó Donnghaile gur léiriú eile an chonspóid ar an ngá scagadh a dhéanamh ar conas mar a chaitheann na meáin le ráitis frith-Ghaeilge.
Don’t we need a serious conversation about what drives & how we tackle intolerance of the Irish language/identity, rather than focus on those from whom such sentiments emanate?
Don’t we need to look at how our local media contextualise & platform these expressions of intolerance? pic.twitter.com/THzVzJ01JC— Senator Niall Ó Donnghaile ⭕️ (@NiallSF) July 27, 2020
I mí Feabhra na bliana seo, ghabh an láithreoir aitheanta de chuid an BBC Stephen Nolan leithscéal as an tslí ar iompair sé é féin agus ceist na Gaeilge á plé ar a chlár teilifíse le Niall Ó Donnghaile.
San agallamh, a craoladh in 2014, d’fhiafraigh Nolan arís agus arís eile de Niall Ó Donnghaile ar chúis ghrinn é ‘curry my yoghurt can coca cola’, an ráiteas conspóideach a rinne Gregory Campbell.
