Tá an fada ‘ar ais’ ar an fhocal ‘Tánaiste’ ar chárta aitheantais nua cheannaire Fhine Gael, Leo Varadkar.
I dtvuít a chuir an Tánaiste nuacheaptha amach chuig a leantóirí ar Twitter, d’fhógair Leo Varadkar go bhfuil an fada ar ais ar an fhocal Tánaiste ar a chárta aitheantais nua mar ba chóir.
Revised Estimates done in the Dáil. Hundreds of millions secured for business grants & loans. More to come in the July Jobs Stimulus. And the fada on Tánaiste is back pic.twitter.com/OuStGutGEc
— Leo Varadkar (@LeoVaradkar) June 30, 2020
Tharraing tvuít an Tánaiste go leor airde i measc na nGael ar Twitter a thuigeann go maith na deacrachtaí a bhíonn ag an fada céanna sa státchóras.
Grá mór don fada
— Mary (@mmcrabbitt) June 30, 2020
Maith thú as tacú le feachtas na bhfadaí
— Aodh Ó Fearraigh (@HMFerry) June 30, 2020
Ardfhear ár dTánaiste!
— John Ó Ríordáin (@thesraid) June 30, 2020
Iontach go deo go bhfuil an síneadh fada beo 🙌🏻
— Ceara Ní Choinn (@CearaQuinn) June 30, 2020
D’aithin mé sin an lá faoi dheireadh – shílfeá go mbeadh rudaí mar sin cruinn
— Dessie Tennyson (@iGael1) June 30, 2020
Chuir Varadkar an tvuít amach faoin litriú ceart a bheith ar a chárta aitheantais nua i ndiaidh do go leor daoine iontas a dhéanamh faoin scéal nach raibh an focal ‘Tánaiste’ litrithe i gceart ar an chárta aitheantais a eisíodh dó.
Something old, something new, something blue pic.twitter.com/wbDsTWfkkE
— Leo Varadkar (@LeoVaradkar) June 27, 2020
Ní féidir le Roinn an Taoisigh Tánaiste a litriú. 🙄
— John Ó Ríordáin (@thesraid) June 28, 2020
Surely we could stretch finances to a card company that can put a fada on tánaiste 🤦🏻♀️
— Ciara Nic Aodha (@mccoyciara) June 27, 2020
— Harvey Donnelly (@HarveyRDonnelly) June 27, 2020
It angers me when Irish IT systems, websites and apps don’t accommodate Irish words and names. So many don’t accept the apostrophe in Irish names. Disgraceful that the government security system doesn’t allow standard letters As Gaeilge.
— Kaye Exe (@ExeKaye) June 28, 2020
Dúirt an t-iarThaoiseach cheana go raibh sé “mícheart” síneadh fada a fhágáil ar lár in ainmneacha daoine.
Ag trácht dó anuraidh ar chonspóid faoin síneadh fada, dúirt an Taoiseach go bhfuil an fada “chomh tábhachtach” le litir.
“Bheadh sé ceart an fada a úsáid agus bheadh sé mícheart gan an fada a úsáid.
“Is ceart agus is cóir go mbeadh ainmneacha daoine ceart agus má tá síneadh fada i gceist, sin é atá ann,” a dúirt sé.
Bhí Varadkar ag trácht ar chinneadh a rinne Oifig an Choimisiúin um Chosaint Sonraí anuraidh nach raibh sé in aghaidh an dlí ag comhlachtaí ainmneacha Gaeilge a litriú mícheart trí shínte fada a fhágáil ar lár.
Dúirt an Coimisiún nach ceart absalóideach é ag an duine a bhfuil síneadh fada ina ainm an t-ainm sin a bheith litrithe go cruinn agus an síneadh fada ann.
Bunaíodh an fiosrúchán nuair a rinne an léiritheoir teilifíse Ciarán Ó Cofaigh gearán leis an gCoimisinéir faoina ainm a bheith á litriú mícheart ag an HSE.
Bhunaigh an léiritheoir scannáin aitheanta an feachtas Faigh do ‘fada’ mí Dheireadh Fómhair seo caite chun Gaeil á spreagadh le héileamh a dhéanamh go litreodh comhlachtaí príobháideacha agus eagrais stáit a gcuid ainmneacha go cruinn agus go gcuirfí na sínte fada isteach.
