10 mbronntanas don té atá gafa leis an gceardaíocht
In 2020 tharla rud mór ar fud an domhain. Tharla sé d fhír, mná agus páistí. Scaipeadh ar fud na háite é. Cad faoi a bhfuilim ag caint? D’fhoglaim go leor daoine ceird na cniotála, ceird na fuála agus roinnt ceardaíochta eile!
Ar feadh tamaill, ní rabhas in ann teacht ar éadach cadáis, nó ar bhioráin chniotála 5mm toisc go raibh galar na ceardaíochta á leathadh ó cheann ceann na tíre! Ach is rud iontach é seo le feiscint, go bhfuil daoine ag aimsiú caitheamh nua aimsire, go bhfuil siad ag cruthú agus a cumadh.
Molaim do gach duine triail a bhaint as. Cuireann sé áthas an domhain orm nuair a feicimse rudaí áille – hataí, scairfeanna, mascanna, maisiúcháin, pé rud – a dheineadar féin, le grá agus le scil.
Táimse níos mó ná 20 bliain ag fás i mo cheardaí anois. A bhuí le síopaí beaga ceardaíochta na hÉireann atá an scil sin agam. Na cinn is fearr liom ná Vibes and Scribes i gCorcaigh agus Whytes Fabric sa Droichead Nua. Sa saol mór, tá corporáidí móra ag cur brú ar síopaí áitiúla, ach sa saol ceardaíochta, tá na siopaí beaga i gceannas.
Ní féidir leat éadach nó olann a iniúchadh nó an tseirbhís agus an chomhairle atá le fáil sna síopaí seo a fháil ar Amazon! Mar sin, má tá duine i do shaol atá tar éis an cheardaíocht a thosú in 2020, nó más ceardaí le fada an lá é, táim tar éis liosta beag seo na Nollag a chur le chéile duit. Seo roinnt brontannas atá uaim (*hint hint do mo mhuintir lbt*) atá ar fáil in Éirinn:
Bosca fuála ó Spring Wools – €26.99
Ar fáil ar shiopa Spring Wools anseo.
Gertie’s Ultimate Dress Book ó Eason – €37.79
Má tá duine ag tosú san fhuáil agus suim aici in éadaí seanré, molaim an leabharó Gertie Hirsch atá ar fáil in Eason.
Burla mistéireach éadaí ó Vibes and Scribes – €30
Tá Vibes and Scribes ag cur burlaí éadaí le chéile. Cuirfidh siad go mór le taisce éadaí an cheardaí! Ar fáil óna siopa ar líne anseo.
Feminist Cross-stitch le Stephanie Rohr – €19.50
Is aoibhinn liom an leabhair seo ó Stephenie Rohr, Feminist Cross-Stitch atá ar fáil ó Sew Irish i gContae an Chláir ar €19.50.
Siosúr bróidnéireachta Stork ó Be Alice – €9.00
Agus tá sé chomh maith agat an siosúr bróidnéireachta a thabhairt freisin! Tá ceann álainn ar fáil anseo ó Be Alice i gCill Mhaighneann.
The Sewing Book le Alison Smith ó The Book Centre – €32.99
Seo daoibh Bíobla na Fuála, leabhar ina mínítear gach snáth agus greim ar domhan! Oiriúnach don tosaitheoir nó don saoi, agus ar fáil ó The Book Centre i gCill Chainnigh anseo.
Muince don chniotálaí ó Spring Wools – €39.99
Éadach ó Whytes Fabric sa Droichead Nua
Molaim éadach a ceannach ó Whytes Fabric sa Droicead Nua. Beidh 2.5-3m sách fada chun gúna a fhuáil. Is féidir glaoch orthu nó buail isteach chuig an siopa. Téigh chuig a leathanach Facebook go bhfeice tú a bhfuil acu.
Gearrthóir rothlach Fiskars ó Hickey’s – €23
Gearrthóir atá iontach le héadach a ghearradh go cruinn ar fáil ó Hickey’s anseo.
Inneall fuála ó Singer Sewing and Wool Centre – €179
Is cailín Singer mé amach is amach. Táid iontaofa agus ar fáil go forleathan – beidh sé éasca teacht ar dhuine a dhéanfaidh seirbhís air nuair a bheidh sé ag teastáil. Tá an leagan seo ar fáil sa Singer Sewing and Wool Centre i Luimneach ar €179.
