Cártaí agus Bronntanais do Lá Fhéile Vailintín, ónár n-Eolaire Gnó

Tá an bhliain ag éalú uainn go sciobtha lagus Lá Fhéile Vailintín linn arís. Seo cúpla nod maidir le cártaí agus bronntanais don lá féin, má tá tú chun é a cheiliúradh – tá neart daoine a fhanann glan air! Ach ar a laghad, b’fhéidir go gcuirfidh tú aithne ar chúpla gnó ónár n-Eolaire Gnó nach raibh tú ar eolas fúthu cheana.

Cártaí

Is iontach an rogha atá againn de chártaí Gaeilge anois. Seo samplaí de na cinn atá ar fáil ó Connect the Dots Design, Mireog, An Siopa Leabhar agus Prints of Ireland, ach is fiú cuairt a thabhairt ar shuíomhanna na siopaí seo agus siopaí eile cosúil le Dingle Wild Card agus Siopa Údar, chun níos mó a fheiceáil. De ghnáth, bíonn níos mó á dhíol acu na cártaí amháin, cúis mhaith eile cuairt a thabhairt orthu.

Bronntanais

Bláthanna, seodra, cosmaidí, comhartha ghrá – sin iad na bronntanais thraidisiúnta don lá seo. Féach thíos ar shamplaí de na hearraí atá ar fáil ó Siopa an Carn, Bláthanna Tigh Mhistéil, Brian de Staic agus Cló Publishing, chun tú a spreagadh agus a chur ag smaoineamh, b’fhéidir.

Bia agus Deoch

B’fhéidir go dtaitneodh lón beag in ionad dinnéir mór oíche Lá Fhéile Vailintín, cosúil le cístí ó Tig Áine (Ciarraí) nó caife ag an Town House Hotel (Cill Dara). Agus bíonn fáilte go hiondúil roimh mhilseáin agus biotáillí neamhghnácha, cosúil leis an jin sútha talún ó Blackwater Distillery nó fudge blasta ó man of aran fudge.

Sosanna/Saoire

Bronntanas don bheirt agaibh is ea sos beag a thógáil. Arís tá an-rogha de lóistín ann timpeall na tíre, cosúil le Teach Campbell (Dún na nGall) agus Inis Meáin Restaurant & Suites (Gaillimh), nó is féidir teach a thógáil ar bhonn féinfhreastail cosúil le Valentia Island Cottages (Ciarraí) agus An Teach Glas (Doire).

Tá súil againn gur chabhraigh an t-alt seo libh, agus go bhfuair sibh eolas ar chuid de na gnóthaí timpeall na tíre atá lánsásta cuidiú leat as Gaeilge. Bain triail as!