AN TRAM DEIREANACH

@ Cumann Chluain Árd

Siamsaíocht Agus Ealaín Bealtaine 28th, 2024 | sadhbh 
Saol agus Saothar an scéalaí Liam Mac Carráin, Béal Feirsteach

Bhí William Carson nó Liam Mac Carráin (1916-1998) mar ab fhearr aithne air, ar dhuine de phríomhghníomhairí ar son na Gaeilge i mBéal Feirste. Thuill sé gnaoi an phobail mar scéalaí agus mar scríbhneoir. Ba sna tríochaidí a thug sé grá don teanga den chéad uair. Chaith sé go leor dá chuid ama i nGaeltacht Dhún na nGall agus sult á bhaint aige as seanchas Mhicí Sheáin Néill (1901-1981). Bhí sé ina chúltaca ag Cumann Chluain Ard agus bhíodh fonn amhránaíochta agus scéalaíochta air i gcónaí ann, oícheanta Sathairn. Faightear léargas an-bheo ina chuid leabhar Is Cuimhin Liom an t-Am Seo agus Siúd agus Siúd Eile ar chúinsí an lucht oibre i mBéal Feirste sna 1930í, ar Bhóthar na bhFál agus ar an tSeanchill, agus Liam ag obair don Royal Mail. Le linn na dTrioblóidí dorcha, d'eagraigh sé ranganna oíche Gaeilge do Chaitlicigh agus do Phrotastúnaigh araon faoi scáth Chumann Oideachais na nOibrithe.

Is é a bhfuil sa léiriú An Tram Deireanach na scéalta, amhráin agus dánta as a chuid leabhar, arna léamh ag Art Hughes, Séamus Ó Donnghaile agus Fionntán Mac Giolla Chiaráin; chomh maith le hamhráin le Diane Ní Chanainnagus ceol le Seán Mac Erlaine; agus íomhanna ar scaileán le Margaret Lonergan. Coimeadaí an tionscadail: Liam Carson.

Dé Máirt 25 Meitheamh

Doras: 7.30pm

Cumann Chluain Ard, 27-43 Sráid na Scéiche (Hawthorn Street), Béal Feirste

Ticéid: £12.00 https://www.eventbrite.ie/e/911965642787?aff=oddtdtcreator