Scoil Gheimhridh Ghaoth Dobhair 2024

@ Gaoth Dobhair

Ceol Féile Oiriúnach do Theaghlaigh Rang Siamsaíocht Agus Ealaín Feabhra 2nd, 2024 | fionnuala 
Má tá tú sa tóir ar an gceol traidisiúnta is fearr in Éirinn le linn shéasúr na Nollag, is anseo ag an 30ú Scoil Gheimhridh Ghaoth Dobhair a bheas an chraic! Beidh an fhéile a fhoscailt ar an 27ú lá de mhí na Nollag ag cara mór le Frankie Kennedy agus an Scoil Gheimhridh, Gary Hastings, i dtí Hiúdaí Bhig, agus beidh ceol againn leis na ceoltóirí áitiúla “An Crann Óg”. Beidh seisiún ceoil mór ann ina dhiaidh sin le críoch a chur leis an oíche, agus tá fáilte roimh chách.

Tá an Scoil Gheimhridh suite i gceantar álainn Gaeltachta Iarthuaisceart Dhún na nGall, áit a bheas cúig lá lán de spraoi ann do gach aoisghrúpa, mar a bíonn gach bliain! Tá clár imeachtaí ar dóigh againn ina mbeidh ceoltóirí mór le rá, ina measc, Altan, The Friel Sisters, An Crann Óg, Breanndán Ó Beaglaoich, Gary Hastings, Máire Ní Choilm agus go leor, leor eile. Chomh maith leis na ceolchoirmeacha iontacha seo, tá réimse seisiúin, seolta albam, agus ceardlanna ceoil, amhránaíochta, agus damhsa ó chuid de na ceoltóirí is fearr sa tír, agus gan dearmad a dhéanamh ar Oíche na Bliana Úire, leis an ngrúpa bríomhar Joe Jack Attack! le aíonna speisialta- ag tarlú i gcroílár Ghaoth Dobhair, san ard-ionad ceoil, “The Social”!

Ma tá suim agat a bheith ag foghlaim uirlísí ceoil traidisiúnta, ag rá amhráin nó ag damhsa, beidh ceardlanna a reachtáil ón 28ú lá go dtí an 31ú lá de mhí na Nollag i bPobalscoil Ghaoth Dobhair. Beidh na Ceardlanna a dteagasc ag cuid de na ceoltóirí is fearr sa tír ar nós, an phíobaire Mick O’Brien, Breandán Ó Beaglaoich ar an bocsa ceoil , seinnteoirí an chonsairtín Colm Browne & Caitlín Nic Gabhann, fidléirí Clare Friel ón ngrúpa “Altan” le Ciarán Ó Maonaigh, Desi Wilkinson ar an fheadóg mhór, cúpla steip ar an tsean-nós le Becky Ní Éallaithe agus go leor, leor eile! Beidh Ceardlann amhránaíochta againn le Maireád Ní Mhaonaigh ón ngrúpa “Altan” ach tá sé sin chor a bheith díolta amach!

Tá sé 30 bliain ó bhunaigh Clann Uí Mhaonaigh agus a gcairde, Scoil Gheimhridh Frankie Kennedy in ómós do Frankie, a cailleadh i 1994. Beidh muid a cheiliúradh agus a chómoradh leis an ceolchoirm ‘Flutopia’ a chur i láthair ag Belfast TradFest ar an 30ú lá, chomh maith le ceolchoirm speisialta le Altan ar an 29ú.

Tá Scoil Gheimhridh Ghaoth Dobhair buíoch go deo as an tacaíocht a fhaigheann sí ónár gcuid urraitheoirí uilig. Tá an tacaíocht seo fíorthábhachtach don Scoil Gheimhridh, imeacht atá ag fás agus forbairt achan bhliain. Thig níos mo eolais agus ticéidí a fháil ar an suíomh -www.scoilgheimhridh.com

27ú - Seoladh an 30ú Scoil Gheimhridh le Gary Hastings - Teach Huidaí Bhig 7i.n.

28ú - Coirm Amhránaithe: Ailleog an Oireachtais le Mairéad Ní Mhaonaigh - Social 8.30i.n

29ú - Coirm na hÓiche: Altan & An Crann Óg - Amharclann Ghaoth Dobhair 8.30i.n

30ú - Flutopia: In Ómós do Frankie Kennedy curtha i lathair ag Belfast TradFest - Social 3.00i.n

30ú - Coirm na hOíche: The Friel Sisters & Frances Morton - Social 8.30i.n.

31ú - Coirm Oíche na Bliana Úire curtha i lathair ag Tí Mhadáin Béal Feirste: le Joe Jack Attack & Breanndán Ó Beaglaoich le Kyle MacAuley agus go leor eile - Social 9.30

Maidir le eolas an PR, téigh i dteagmhal le:

Cathal Ó Curráin

sggd@crannog.ie

+353871638000