Duais mhór liteartha an Oireachtais buaite ag Tadhg Mac Dhonnagáin
Is é an t-údar Tadhg Mac Dhonnagáin a bhuaigh duais mhór liteartha an Oireachtais i mbliana dá úrscéal Madam Lazare. Mícheál Ó Laoghaire a tháinig sa dara háit i gcomórtas A1 (Úrscéal – Ficsean Ginearálta) dá shaothar Cuairt an Uachtaráin.
Fógraíodh buaiteoirí uile Chomórtais Liteartha an Oireachtais ag ócáid ar líne ar maidin. 23 catagóir ar fad a bhí i gcomórtas na bliana seo – 15 comórtas do scríbhneoirí fásta agus ocht gcomórtas do scríbhneoirí óga. €27,000 an duaischiste a bronnadh ar na buaiteoirí éagsúla.
I measc na mbuaiteoirí eile bhí Feargal Ó Béarra, a bhuaigh an comórtas Próis lena shaothar Buile; agus Pádraig Mac Fhearghasa lena cnuasach filíochta Oilithreacht na gCríoch Déanach.
Bronnadh duais ar 15 fear agus ar ochtar ban i gcomórtais na ndaoine fásta. Ochtar buachaillí agus seisear cailíní a bhuaigh duaiseanna i gcomórtais na scríbhneoirí óga.
“Déanaim comhghairdeas leis an scríbhneoirí ar fad a bhain duais amach i mbliana. Tá tábhacht faoi leith ag baint leis na comórtais liteartha agus muid ag iarraidh freastal ar an ngréasán scríbhneoirí ar fud an domhain agus litríocht agus nua-scríbhneoireacht na Gaeilge a chur chun cinn chomh maith le scríbhneoirí óga nua a mhealladh le dul i mbun pinn,” a dúirt Liam Ó Maolaodha, Stiúrthóir an Oireachtais.
| Rannóg | Buaiteoirí |
| Úrscéal – Ficsean Ginearálta | 1. Tadhg Mac Dhonnagáin – Madame Lazare 2. Mícheál Ó Laoghaire – Cuairt an Uachtaráin |
| Ficsean do Dhaoine Óga (9-12) | 1. Bróna Ní Uallacháin/Páid Ó Neachtain – A+ 2. Gabriel Rosenstock – Scéilíní Scanrúla |
| Ficsean do Dhaoine Óga (13-15) | 1. Richie Conroy – Dialann Emily Porter 2. Iarla Mac Aodha Bhuí – Deargadh Anoir |
| Saothar Próis | Feargal Ó Béarra – Buile |
| Ábhar don Fhoghlaimeoir Fásta | 1. Catherine Foley – Scéalta Grá 2. Seoirse Ó Dochartaigh – Cúl na Cruaiche |
| Cur chun cinn na Gaeilge | Catherine Foley – Oscail an Doras agus Tiocfaidh Siad |
| Gearrscéal | 1. Alan Titley – Amritsar 2. Eithne Ní Ghallchobhair – Soineann |
| Scéal do Dhéagóirí | 1. Éamonn Ó Loingsigh – An Cailín ón Eastát |
| Dán | Róisín Sheehy – Filleann Fianna |
| Cnuasach Filíochta | Pádraig Mac Fhearghasa – Oilithreacht na gCríoch Déanach |
| Aiste Innealltóireachta | Helen Ní Mhurchú – Nascanna |
| Dráma Aonghnímh | Róisín Sheehy – An Bhean a Saolaíodh ar Charraig |
| Comórtas Cuimhneacháin Aoidh Uí Ruairc | A. Áine Ní Ghlinn – An Tornapa Mór B. Brian Ó Gibne – An Faolchú Mór, Feoiliteach, Fuilteach, Fíochmhar C. Gabriel Rosenstock – Cúig Eala Áille |
| Saothar Creidimh/ Ábhar Marana | Gabriel Rosenstock – Iontas na nIontas |
| Aiste Fealsúnachta | Alan Titley – An Tost gan Insint |
| Comórtais Liteartha don Scríbhneoir Óg | |
| Aiste | 1. Conor Ó Gallchóir – An tUasal Seosamh Ó Ceallaigh 2. Máire Ní Chinnéide – Seán de Grá |
| Iriseoireacht | Sibéal Ní Shéaghdha – Léirmheas ar Samson Shonagh Ní Thuathail Peelo – Na Díoltóirí Sráide Conor Ó Gallchóir – Covid-19 agus an Ghaeltacht Siobhán Ní Neachtain – Ardteist Chovid (ní hé an Gnáthrud) |
| Scéal | Fionnán Ó Baoighill – Iúpatar Manus Ó Baoighill – Saibhir Daibhir Aifric Ní Scolaí – Gearr go mbeidh sé ina Shamhradh Cillian Ó Baoill – Na Daoine Maithe |
| Dán | Amhlaoibh Ó Síocháin – Gearradh na gCrann Sibéal Ní Shéaghdha – Ar an bhFarraige Brian Mac Donncha – Dúchas Gormfhlaith Ní Shíocháin – Sa Choill |
