![<a-href="https://nos.ie"-class="credit-nos"-target="-blank"-rel="noopener-noreferrer"></a>-‘go-deimhin,-ni-ghraim-thu-le-mo-shuile’-—-soinead-shakespeare-as-gaeilge](https://peig.ie/wp-admin/admin-ajax.php?action=kernel&p=image&src=%7B%22file%22%3A%22wp-content%2Fuploads%2F2020%2F04%2F22201%2Fgo-deimhin-ni-ghraim-thu-le-mo-shuile-soinead-shakespeare-as-gaeilge.jpg%22%2C%22thumbnail%22%3A%22960%2C%2C%22%7D&hash=38e38d53)
‘Go deimhin, ní ghráim thú le mo shúile’ — Soinéad Shakespeare as Gaeilge
Tá ceann de shoinéid an fhile mhóir Shasanaigh, William Shakespeare, curtha i nGaeilge an aisteoir Eoin Ó Dubhghaill. Rinneadh ceiliúradh ar fud an domhain Béarla inné ar bhreithlá an drámadóra mhóir, a rugadh sa mbliain 1564.
Mar chuid den cheiliúradh sin, reáchtáladh Féile Soinéad in South Carolina inné mar ar aithris an t-aisteoir Juliette Crosbie, as Contae Lú, Soinéad 141 as Gaeilge. Ar ndóigh, ní rabhthas in ann teacht le chéile mar is ceart don fhéile mar gheall ar na srianta atá i bhfeidhm le dul i ngleic leis an víreas corónach, ach reáchtáladh an ócáid ar leathanach Facebook na féile.
Seo thíos leagan Eoin Uí Dhubhghaill den soinéad:
Hey it’s William Shakespeare’s bday! thanks to the ridiculously talented @juliettec49 i got to translate sonnet 141 to Gaeilge and she is performing it tonight at 12.30 am at the Southern California Shakespeare fest! tune in, she’ll be class. Breithlá Sona Will x pic.twitter.com/ySsYEXQzTZ
— Eoin O’Dub Haga’Hayale (@eoineyd37) April 23, 2020
Go deimhin, ní ghráim thú le mo shúil,
Mar feiceann siad gach fabht is locht;
Ach is mo chroí a luíonn mo dhúil,
Ceal aire ar mo shúile bocht’;
Agus ní mo chluasa agat faoi gheasa,
Ná mo thadhall ag do cholainn lách,
Agus dá mbeifeá mar bhéile ag mo shrón is mo theanga,
Tá a fhios agam cinnte nach mbeadh siad sách:
Ach ní sháródh cúig, nó caoga, nó na céadta céadfa,
Mo chroí, atá mar sclábhaí faoi do threoir,
Fear a leanfadh chuile fhocal a déarfá
Fear truamhéalach, lag ag do ghlór:
Cé go bhfuilim cloíte cráite,
Tá faoiseamh agam i bpian mo pheaca.